2020 جىلدان باستاپ شاكىرتاقى كولەمى جىل سايىن ۇلعايىپ, باستاپقى دەڭگەيمەن سالىستىرعاندا ەكى ەسەگە ارتقان. قازىرگى شاكىرتاقى مولشەرى وتكەن جىلمەن سالىستىرعاندا 20%-عا جوعارى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە جوعارى جانە جوعارى وقۋ ورنىنان كەيىنگى ءبىلىم كوميتەتىنىڭ توراعاسى گۇلجان جاراسوۆا ايتتى, دەپ جازادى Egemen.kz.
ستۋدەنتتىك جاردەماقىلاردى مىندەتتى تۇردە يندەكستەۋدى كوزدەيتىن زاڭنامالىق نورمالار بولماعانىنا قاراماستان, بيلىك جاستارعا كورسەتىلەتىن قارجىلىق قولداۋ دەڭگەيىن ارتتىرۋ تۋرالى شەشىم قابىلداعان.
قازىر باكالاۆريات بويىنشا ءبىلىم الىپ جاتقان ستۋدەنتتەر 52 مىڭ تەڭگەدەن استام شاكىرتاقى الادى. ال بولاشاق دارىگەرلەر مەن پەداگوگتەر ءۇشىن اي سايىنعى تولەم مولشەرى شامامەن 84 مىڭ تەڭگەگە دەيىن ۇلعايتىلعان. ماگيسترانتتاردىڭ شاكىرتاقىسى ودان دا جوعارى, شامامەن 117 مىڭ تەڭگە, ال دوكتورانتتارعا اي سايىن 262 مىڭ تەڭگەگە جۋىق قارجى تولەنەدى.
ايتا كەتەيىك, 2026 جىلدان باستاپ «بولاشاق» شاكىرتاقىسىن تاعايىنداۋ ەرەجەلەرى وزگەرىپ, ۇمىتكەرلەردى ىرىكتەۋ تەتىگى كۇشەيتىلىپ, باسىمدىق جاراتىلىستانۋ-تەحنيكالىق باعىتتارعا بەرىلەدى.
كوللەدج ەسەپشىسى شاكىرتاقىعا بولىنگەن قاراجاتتى وزىنە اۋدارىپ وتىرعان