ەڭبەك جانە حالىقتى الەۋمەتتىك قورعاۋ مينيسترلىگى 2026 جىلعى 1 قاڭتاردان باستاپ بيۋدجەتتەن تولەنەتىن زەينەتاقى تولەمدەرىنىڭ مولشەرى 10%-عا ارتقانىن مالىمدەدى, دەپ حابارلايدى Egemen.kz.
«بازالىق زەينەتاقىنىڭ ەڭ تومەنگى مولشەرى 35 596 تەڭگەنى قۇرايدى – بۇل ەڭ تومەنگى كۇنكورىس دەڭگەيىنىڭ 70%-ى. ال ەڭ جوعارى مولشەرى كۇنكورىس دەڭگەيىنىڭ 110%-ىنان 118%-ىنا دەيىن ۇلعايتىلىپ, 60 005 تەڭگەگە جەتتى», دەلىنگەن حابارلامادا.
سونىمەن قاتار, 2018 جىلعى 1 شىلدەدەن باستاپ مەملەكەتتىك بازالىق زەينەتاقى تولەمى ءاربىر الۋشىعا زەينەتاقى جۇيەسىنە قاتىسۋ ءوتىلىن ەسكەرە وتىرىپ, جەكە تارتىپپەن تاعايىندالادى.
«زەينەتاقى جۇيەسىنە قاتىسۋ وتىلىنە 1998 جىلعى 1 قاڭتارعا دەيىنگى ىنتىماقتى جۇيەدە جيناقتالعان ەڭبەك ءوتىلى, سونداي-اق مىندەتتى زەينەتاقى جارنالارى تولەنگەن كەزەڭدەر ەنگىزىلەدى», دەپ ءتۇسىندىردى مينيسترلىك.
ەلىمىزدە زەينەتاقى مەن جاردەماقى مولشەرى كوبەيدى
ەگەر زەينەتاقى جۇيەسىنە قاتىسۋ ءوتىلى 10 جىل نەمەسە ودان از, نە مۇلدە بولماسا, بازالىق زەينەتاقىنىڭ مولشەرى كۇنكورىس دەڭگەيىنىڭ 70%-ىنا تەڭ بولادى. ال 10 جىلدان اسقان ءاربىر جىل ءۇشىن ونىڭ مولشەرى 2%-عا ۇلعايادى. مىسالى, قاتىسۋ ءوتىلى 20 جىل بولعان جاعدايدا بازالىق زەينەتاقى كۇنكورىس دەڭگەيىنىڭ 90%-ىن قۇرايدى. 30 جىل جانە ودان دا كوپ ءوتىل كەزىندە ول ەڭ جوعارى مولشەردە – كۇنكورىس دەڭگەيىنىڭ 110%-ى كولەمىندە بەلگىلەنەدى.
ەل تۇرعىندارى زەينەتاقى قارجىسىن شىعارىپ الۋدىڭ جاڭا ءتاسىلىن تاپتى
«ەگەر ءبىر اي ىشىندە بىرىڭعاي جيناقتاۋشى زەينەتاقى قورىنا مىندەتتى زەينەتاقى جارنالارى بىرنەشە رەت اۋدارىلسا, جيناقتاۋشى جۇيەگە قاتىسۋ كەزەڭى ءبىر اي رەتىندە ەسەپتەلەدى», دەپ ەسكەرتتى ماماندار.
وسىلايشا, مىندەتتى زەينەتاقى جارنالارى قانشالىقتى تۇراقتى ءارى تولىق كولەمدە تولەنسە, زەينەت جاسىنا جەتكەندە بازالىق زەينەتاقى تولەمىنىڭ مولشەرى دە سوعان سايكەس جوعارى بولادى.
«ال جاسىنا بايلانىستى زەينەتاقى تولەمدەرىنىڭ مولشەرى 1998 جىلعى 1 قاڭتارداعى جاعداي بويىنشا ەڭبەك وتىلىنە (كەمىندە التى اي بولۋى قاجەت) جانە زەينەتالدى كەزەڭدە الىنعان ورتاشا ايلىق تابىسقا بايلانىستى», دەپ اتاپ ءوتتى ەڭبەك جانە حالىقتى الەۋمەتتىك قورعاۋ مينيسترلىگى.
ءمينيستردىڭ ورىنباسارى ۆيكتوريا شەگاي 2026 جىلعى 22 قاڭتاردا سەنات وتىرىسىندا موڭعوليامەن زەينەتاقى جيناقتارىنا قاتىستى راتيفيكاتسيالانعان كەلىسىم سالدارىنان بجزق-عا ءتۇسۋى مۇمكىن قوسىمشا جۇكتەمە تۋرالى پىكىر ءبىلدىردى.
زەينەتاقى جيناعى ەسەبىنەن ەمدەلۋ مۇمكىندىگى قاشان قايتا بەرىلەدى؟