اقمولا وبلىسىنىڭ جاڭاەسىل اۋىلىنداعى يندۋستريالىق تەحنولوگيالار جانە سەرۆيس كوللەدجى FASEP باعدارلاماسى شەڭبەرىندە اۋقىمدى حالىقارالىق ىنتىماقتاستىقتى قولعا الدى, دەپ حابارلايدى Egemen.kz.
كوللەدجدىڭ سەرىكتەسى
اتالعان كوللەدجدىڭ سەرىكتەسى – اۋىل شارۋاشىلىعى سالاسىنداعى فرانتسيانىڭ جەتەكشى وقۋ ورىندارىنىڭ ءبىرى Agricampus Castelnaudary.
وقۋ-اعارتۋ مينيسترلىگىنىڭ ءباسپاسوز قىزمەتىنىڭ مالىمدەۋىنشە, ەۋروپالىق وقۋ ورىندارىمەن تاجىريبە الماسۋ زاماناۋي ءبىلىم بەرۋ تەحنولوگيالارىن ەنگىزۋگە جانە باسەكەگە قابىلەتتى ماماندار دايارلاۋدا جاڭا مۇمكىندىكتەر اشادى. ىنتىماقتاستىق شەڭبەرىندە ەۋروپالىق وزىق وقىتۋ ادىستەمەلەرىن ەنگىزۋ, اگروونەركاسىپتىك كەشەندى تسيفرلاندىرۋ مەن اۆتوماتتاندىرۋ سالاسىندا تاجىريبە الماسۋ, سونداي-اق وقىتۋشىلاردىڭ, وندىرىستىك وقىتۋ شەبەرلەرىنىڭ جانە ستۋدەنتتەردىڭ بىلىكتىلىگىن ارتتىرۋ كوزدەلگەن.
ەلىمىزدە قانشا كوللەدج بار؟
FASEP باعدارلاماسى جاڭا مۇمكىندىكتەر اشادى
FASEP باعدارلاماسى كوللەدجگە دامۋ ءۇشىن جاڭا مۇمكىندىكتەر اشىپ, وزىق تەحنولوگيالارعا قول جەتكىزۋگە جانە ستۋدەنتتەردىڭ الەمدىك كاسىبي قاۋىمداستىققا ينتەگراتسيالانۋىنا جاعداي جاسايدى. بۇل − كاسىبي ءبىلىم بەرۋدى جاڭعىرتۋ مەن قازاقستاننىڭ اگرارلىق سالاسىنىڭ كادرلىق الەۋەتىن دامىتۋ جولىنداعى ماڭىزدى قادام.
170 مەموراندۋم
2025 جىلى ەلىمىزدە تەحنيكالىق جانە كاسىپتىك ءبىلىم بەرۋ سالاسىنداعى حالىقارالىق ىنتىماقتاستىق شەڭبەرىندە 170 مەموراندۋمعا قول قويىلدى.
الماتى وبلىسىنىڭ كوللەدجدەرى قىتاي, ەۋروپا جانە ازيا ەلدەرىمەن ىنتىماقتاستىق ورناتتى