اقتوبەدە مۇگەدەكتىگى بار ازاماتتارعا ارنالعان «قۋات» ينكليۋزيۆتى سپورت كەشەنى اشىلدى. اۋماعى 4885 شارشىمەتر عيماراتتا 20-دان استام سپورت تۇرىمەن اينالىسۋعا بولادى. مۇندا ءجۇزۋ باسسەينى, امبەباپ سپورت زالى, كۇرەس زالى, ۇستەل تەننيسى زالى جانە اشىق سپورت الاڭدارى بار. سپورتتىق سايىستاردى تاماشالاۋعا كەلەتىن كورەرمەن ءۇشىن دە 200 ورىندىق ارنايى زال جابدىقتالعان, دەپ حابارلايدى Egemen.kz.
سونىڭ ىشىندە پاراليمپيادالىق باعىتتاعى جەڭىل اتلەتيكا, ءجۇزۋ, وتىرىپ وينايتىن ۆولەيبول, پاۋەرليفتينگ, ۇستەل تەننيسى, پارادزيۋدو, وق اتۋ, ارباداعى تەننيس, گولبول, بوچچا, پاراتاەكۆوندو سياقتى تۇرلەرىمەن قاتار سۋردوليمپيادالىق تۇرلەرى بويىنشا فۋتزال, كۇرەس, دزيۋدو, بادمينتون, شاحمات, ۇستەل تەننيسى, ءجۇزۋ, تاەكۆوندو قامتىلعان.
ۇلىتاۋ وبلىسىندا جاڭا سپورت كەشەنى پايدالانۋعا بەرىلدى
اشىق سپورت الاڭدارىن قوسپاعاندا وسى كەشەندە كۇنىنە 500 ادام وزدەرى تاڭداعان سپورت تۇرلەرىمەن شۇعىلدانا الادى. جوبانىڭ جالپى قۇنى – 3,2 ملرد تەڭگە. باس مەردىگەر – «ينتەرستيل» جشس. Samruk Kazyna اق كومپانيالار توبى اتىنان قايىرىمدىلىق جوبالاردى جۇزەگە اسىراتىن «Samruk – Kazyna Trust» كورپوراتيۆتىك قورى سپورتتىق جابدىقتار الۋعا دەمەۋشىلىك كورسەتتى. كەشەندە 106 جۇمىس ورنى اشىلدى.
اقجايىقتا سپورت كەشەنى اشىلدى
اقتوبە وبلىسىندا مۇگەدەكتىگى بار 27 مىڭ ەرەسەك, 5 مىڭنان استام بالا بار. سولاردىڭ ىشىندە 1 899 ادام سپورتپەن تۇراقتى تۇردە شۇعىلدانادى.
«Kokshe Arena» كوپسالالى سپورت كەشەنى سالىندى