ەلىمىزدە اياز كۇشەيىپ, قالىڭ قار جاۋادى

سونىمەن قاتار رەسپۋبليكا اۋماعىندا تۇمان ءتۇسىپ, كوكتايعاق بولادى. قازاقستاننىڭ وڭتۇستىگى مەن وڭتۇستىك-شىعىسىندا جەل كۇشەيەدى.

ماڭعىستاۋ وبلىسىنىڭ سولتۇستىك-شىعىسىندا تۇنگى اۋا تەمپەراتۋراسى وتە تومەن بولىپ, كەي جەرلەردە -22 °C-قا دەيىن تومەندەيدى. 

ايتا كەتەيىك, اقمولا وبلىسىنىڭ باتىسى, سولتۇستىگى مەن شىعىسىندا بۇرقاسىن بولادى. سولتۇستىك بولىگىندە تۇمان ءتۇسىپ, كوكشەتاۋ قالاسىندا دا تۇنگى ۋاقىتتا كورىنۋ قاشىقتىعى تومەندەۋى مۇمكىن.

الماتى وبلىسىندا سولتۇستىك, وڭتۇستىك جانە تاۋلى اۋدانداردا تۇمان ءتۇسىپ, جولداردا كوكتايعاق بولادى. سينوپتيكتەردىڭ مالىمەتىنشە, شىعىستا جەلدىڭ ەكپىنى 15-20 م/س-قا دەيىن جەتۋى ىقتيمال. قوناەۆ قالاسىندا تۇندە جانە تاڭەرتەڭ تۇمان ءتۇسىپ, جۇرگىزۋشىلەرگە جولدا اباي بولۋ ەسكەرتىلەدى. الماتى قالاسىندا دا ءدال وسىنداي جاعداي ساقتالادى.

تۇركىستان وبلىسىنىڭ باتىسى, وڭتۇستىگى مەن تاۋلى ايماقتارىندا كوكتايعاق كۇتىلەدى. سونىمەن قاتار تۇمان ءتۇسىپ, جەلدىڭ ەكپىنى كەي جەرلەردە 15-20 م/س-قا دەيىن كۇشەيمەك. تۇركىستان قالاسىندا دا تۇنگى جانە تاڭعى ۋاقىتتا كورىنۋ ناشارلايدى.

شىمكەنتتە تاڭعى مەزگىلدە تۇمان ءتۇسىپ, سولتۇستىك-شىعىستان سوعاتىن جەلدىڭ ەكپىنى 15-20 م/س-قا جەتۋى مۇمكىن.

اتىراۋ وبلىسىنىڭ باتىسى مەن وڭتۇستىگىندە تۇمان ءتۇسىپ, جولدار كوكتايعاق بولادى. قالا تۇرعىندارىنا دا تاڭعى ۋاقىتتا ساقتىق شارالارىن كۇشەيتۋ ۇسىنىلدى.

قىزىلوردا وبلىسىنىڭ ورتالىق بولىگىندە تۇمان كۇتىلەدى. جەلدىڭ ەكپىنى كۇندىز 15-20 م/س-قا دەيىن كۇشەيمەك.

باتىس قازاقستان وبلىسىندا, سونىڭ ىشىندە ورال قالاسىندا كوكتايعاق بولادى. جەرگىلىكتى بيلىك پەن توتەنشە جاعداي قىزمەتتەرى جول قاۋىپسىزدىگىنە ەرەكشە نازار اۋدارۋعا شاقىردى.

اباي وبلىسىنىڭ جارما اۋدانىندا وڭتۇستىك-شىعىستان سوعاتىن جەل 15-20 م/س-قا دەيىن كۇشەيەدى.

ۇلىتاۋ وبلىسىنىڭ شىعىسى, وڭتۇستىگى مەن ورتالىعىندا تۇمان ءتۇسىپ, جەزقازعان قالاسىندا كورىنۋ شەكتەلەدى.

جەتىسۋ وبلىسىندا الاكول كولدەرى ماڭىندا جەلدىڭ ەكپىنى 17-22 م/س-قا دەيىن جەتۋى ىقتيمال.

قوستاناي وبلىسىنىڭ باتىسى, سولتۇستىگى مەن شىعىسىندا تۇمان كۇتىلەدى.

ماڭعىستاۋ وبلىسىندا تۇمان مەن كوكتايعاق بولادى. تۇندە ءوڭىردىڭ سولتۇستىك-شىعىسىندا اۋا تەمپەراتۋراسى -20…-22 گرادۋسقا دەيىن تومەندەپ, قاتتى اياز ساقتالادى.

سولتۇستىك قازاقستان وبلىسىندا قار جاۋىپ, بۇرقاسىن سوعادى. كەي اۋدانداردا كۇندىز قار جاۋىپ, بوران بولۋى ىقتيمال.

جامبىل وبلىسىندا مەزگىل-مەزگىل تۇمان ءتۇسىپ, جەلدىڭ ەكپىنى 25 م/س-قا دەيىن كۇشەيۋى مۇمكىن. تاراز قالاسىندا دا تاڭعى ۋاقىتتا كورىنۋ تومەندەيدى.

سينوپتيكتەر تۇرعىندارعا ساپارلارىن الدىن الا جوسپارلاۋعا, جىلى كيىنۋگە جانە قاۋىپسىزدىك شارالارىن ساقتاۋعا كەڭەس بەرەدى.