شاحماتتان ەل چەمپيوناتى باستالدى

30 قاڭتاردا مارەسىنە جەتەتىن بۇل تۋرنير – ۇلتتىق ىرىكتەۋ جۇيەسىنىڭ نەگىزگى كەزەڭى سانالادى. وسى چەمپيوناتتا جەڭىسكە جەتكەن تالانتتى شاحماتشىلار  قۇراما ساپىنا قابىلدانىپ, بيىل وتەتىن  حالىقارالىق جارىستارعا قاتىسادى. قازاقستان شاحمات فەدەراتسياسى (KazChess) تۋريزم جانە سپورت مينيسترلىگىنىڭ قولداۋىمەن باستالعان ەل بىرىنشىلىگى تۇركىستانداعى وليمپيادالىق رەزەرۆتى دايارلاۋ ورتالىعىندا ءوتىپ جاتىر. قاتىسۋشىلار كلاسسيكا, راپيد جانە بليتس تۇرلەرى بويىنشا جەتى جاس ساناتىندا مەدالداردى ساراپقا سالادى. 9 تۋردان تۇراتىن ويىندار شۆەيتسار جۇيەسىمەن وتەدى.

وتكەن جىلى ەڭ كوپ تابىس تاپقان شاحماتشىلار بەلگىلى بولدى

20-27 قاڭتار ارالىعىندا كلاسسيكا (90 مينۋت + ءار جۇرىسكە ءبىرىنشى جۇرىستەن باستاپ 30 سەكۋند) بولسا,  28-29 قاڭتار كۇندەرى  راپيدتەن (15 مينۋت + ءار جۇرىسكە 10 سەكۋند) سىنعا تۇسەدى. 30 قاڭتار كۇنى  بليتس (3 مينۋت + ءار جۇرىسكە 2 سەكۋند) بويىنشا ەل بىرىنشىلىگى قورىتىندىلادى.

شاحماتشى ءبيبىسارا اساۋباەۆا بليتستەن الەم چەمپيونى اتاندى

بىلتىرعى جىل ەلىمىزدىڭ  شاحمات سپورتى ءۇشىن تاريحي جىل بولدى. قازاقستاننىڭ بالالار-جاسوسپىرىمدەر قۇراماسى جالپى مەدالدىق ەسەپتە الەمدە ءبىرىنشى ورىن الدى. الەم چەمپيوناتىنداعى بەس التىن مەدال – كەزدەيسوقتىق ەمەس. بۇل جۇيەلى جۇمىستىڭ, جوعارى دايىندىق دەڭگەيىنىڭ جانە مەملەكەتتىك قولداۋدىڭ زاڭدى ناتيجەسى. بىلتىر مەملەكەت باسشىسى ق.توقاەۆ الەم چەمپيوناتىنىڭ جۇلدەگەرلەرىن اقوردادا قابىلدادى. ماڭىزدى جۇزدەسۋدە پرەزيدەنت  جاس شاحماتشىلاردىڭ جەتىستىكتەرى ەلىمىزدىڭ مەرەيى ەكەنىن ايتتى. 2025 جىلى  قازاقستاندىقتار الەمدىك, ازيالىق جانە وڭىرلىك بىرىنشىلىكتەردە 122 مەدال جەڭىپ الدى. ونىڭ ىشىندە 52 التىن, 32 كۇمىس, 38 قولا جۇلدە بار. بۇعان دەيىن ەلىمىزدىڭ ابىرويىن اسىرىپ, الەمدىك دودالاردا توپ جارعان تالانتتى جاس شاحماتشىلار دا تۇركىستان  تورىندە باق سىناپ جاتىر.

شاحمات كابينەتى اشىلدى

ەل چەمپيوناتىنىڭ جۇلدە قورى  – 15 120 000 تەڭگە. جەڭىمپازدار مەن جۇلدەگەرلەرگە قوماقتى سىياقى بەرىلەدى.