مۇعالجار اۋدانىنىڭ 41 جاستاعى تۇرعىنى ونلاين ويىن بارىسىندا بەلگىسىز تۇلعامەن WhatsApp مەسسەندجەرى ارقىلى حات الىسىپ تانىسادى. ءوزىن «SSE CIS» كومپانياسىنىڭ وكىلى رەتىندە تانىستىرعان الاياق كريپتوۆاليۋتاعا ينۆەستيتسيا سالۋدى ۇسىنىپ, بىرنەشە كۇننەن سوڭ جوعارى تابىس تۇسەتىنىنە سەندىرگەن. كوپ ويلانباستان جابىرلەنۋشى ولار كورسەتكەن ەسەپشوتقا 1 ميلليون تەڭگە اۋدارىپ جىبەرگەن, دەپ حابارلايدى Egemen.kz.
بىرنەشە كۇننەن كەيىن ۋادە ەتىلگەن ديۆيدەند تۇسپەگەن سوڭ ءوزىنىڭ الاياقتاردىڭ قۇربانى بولعانىن ءتۇسىنىپ, پوليتسياعا ارىزدانعان. قازىر قىلمىستىق كودەكستىڭ «الاياقتىق» بابى بويىنشا قىلمىستىق ءىس قوزعالدى.
پوليتسيا دەرەگى: الاياقتاردىڭ ارباۋىنا كوبىندە كىمدەر ىلىنەدى؟
پوليتسەيلەر مەسسەندجەر ارقىلى جازىسقان حاتتاردى تەكسەرىپ, كۇدىكتى تۇلعانى انىقتاۋ ماقساتىندا جەدەل-ىزدەستىرۋ ءىس-شارالارىن جۇرگىزىپ جاتىر. وسىعان دەيىنگى ەسكەرتۋلەرگە قاراماستان تۇرعىنداردىڭ الاياقتارعا الدانۋى تىيىلار ەمەس.
ءۇيسىز-كۇيسىز قالدى: پاۆلودارلىق زەينەتكەر الاياقتاردىڭ ارباۋىمەن باسپاناسىن ساتىپ جىبەرگەن
اقتوبە وبلىستىق پوليتسيا دەپارتامەنتى تەز ءارى كەپىلدەندىرىلگەن تابىس تۋرالى ۇسىنىستارعا سەنبەۋگە شاقىرادى. سونداي-اق بەلگىسىز ەسەپشوتتارعا اقشا اۋدارماۋدى جانە بەيتانىس ادامدارعا جەكە دەرەكتەردى بەرمەۋدى, كومپانيالار مەن ينۆەستيتسيالىق پلاتفورمالار تۋرالى اقپاراتتى تەك رەسمي دەرەككوزدەر ارقىلى قاراۋدى ۇسىنادى.
اقتوبە وبلىسى