كوكشەتاۋ قالاسىنداعى ءىرى ساۋدا-ويىن-ساۋىق ورتالىقتارىنىڭ بىرىندە «Armani» برەندىنىڭ قىمبات كيىمى قولدى بولدى. جەدەل باسقارۋ ورتالىعىنىڭ ماماندارى بەينەباقىلاۋ كامەرالارىنىڭ كومەگىمەن كۇدىكتىنى بىرنەشە ساعاتتىڭ ىشىندە انىقتادى, دەپ حابارلايدى Egemen.kz.
Sinegor.kz باسىلىمىنىڭ جازۋىنشا, ساۋدا ورنىنان «Armani» برەندىنىڭ قۇنى 129 مىڭ تەڭگە تۇراتىن سپورتتىق كوستيۋمى جوعالعان. ساتۋشىلار تاۋاردىڭ جوق ەكەنىن بىرنەشە ساعات وتكەن سوڭ عانا بايقاپ, بىردەن قۇقىق قورعاۋ ورگاندارىنا حابارلاسقان.
جەزقازعاندا بىرنەشە ۇرلىق جاساعان اعايىندى كۇدىكتىلەر ۇستالدى
جەدەل-ىزدەستىرۋ ءىس-شارالارى بارىسىندا پوليتسەيلەر ساۋدا ورتالىعىنىڭ ىشىندەگى جانە ونىڭ اۋماعىنداعى بەينەباقىلاۋ كامەرالارىنىڭ جازبالارىن قاراپ شىقتى. بۇل كۇدىكتىنىڭ جۇرگەن باعىتىن جىلدام انىقتاپ, ونىڭ جەكە باسىن بەلگىلەۋگە مۇمكىندىك بەردى.
ناتيجەسىندە 25 جاستاعى كوكشەتاۋ تۇرعىنى ۇستالدى. ۇرلانعان تاۋار تاركىلەنىپ, دەرەك بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.