اقش پرەزيدەنتى دونالد ترامپ مەملەكەت باسشىسى قاسىم-جومارت توقاەۆتى گازا بويىنشا قۇرىلاتىن بەيبىتشىلىك كەڭەستىڭ قۇرامىنا كىرۋگە رەسمي شاقىرىپ, ال قازاقستانعا قۇرىلتايشى مەملەكەتتەردىڭ ءبىرى بولۋعا ۇسىنىس ءبىلدىردى, دەپ جازادى Egemen.kz.
بۇل تۋرالى پرەزيدەنتتىڭ كومەكشىسى – ءباسپاسوز حاتشىسى رۋسلان جەلدىبايدىڭ Tengrinews.kz-كە بەرگەن جاۋابىندا ءمالىم بولدى.
بۇعان دەيىن د.ترامپ گازا بويىنشا بەيبىتشىلىك كەڭەسىن قۇرۋدى كوزدەپ وتىرعانىن ايتقان. قازىر ارگەنتينا, ماجارستان, تۇركيا, پاكىستان, مىسىر, يوردانيا, قاتار جانە يتاليا ەلدەرى كەڭەسكە مۇشە بولۋعا شاقىرتۋ العاندارىن راستاپ, ونى قابىلداعاندارىن جاريا ەتتى.
وسى ماندەگى شاقىرۋ فرانتسيا, گەرمانيا جانە ءباا كوشباسشىلارىنا دا جولدانعان.
«بىرقاتار ەلدىڭ كوشباسشىسى پرەزيدەنت دونالد ترامپتان مۇنداي رەسمي شاقىرۋ العانى تۋرالى مالىمدەمەلەرىنەن كەيىن بۇل فاكتىنى جاسىرۋ دۇرىس بولماس ەدى. ءيا, پرەزيدەنت قاسىم-جومارت توقاەۆ الەم كوشباسشىلدارىنىڭ اراسىندا العاشقىلاردىڭ ءبىرى بولىپ بەيبىتىشلىك كەڭەسىنىڭ قۇرامىنا كىرۋ, ال قازاقستانعا قۇرىلتايشىلاردىڭ ءبىرى بولۋ تۋرالى رەسمي شاقىرتۋدى الدى. مەملەكەت باسشىسى اقش پرەزيدەنتىنىڭ اتىنا جاۋاپ حات جولداپ, شىنايى ريزاشىلىعىن ءبىلدىردى جانە اتالعان جاڭا بىرلەستىكتىڭ قۇرامىنا كىرۋگە كەلىسەتىنىن جەتكىزدى. پرەزيدەنت قازاقستاننىڭ تاياۋ شىعىستا مىعىم بەيبىتشىلىككە قول جەتكىزۋگە جان-جاقتى ۇلەس قوسۋعا, مەملەكەتارالىق سەنىم مەن جاھاندىق تۇراقتىلىقتى نىعايتۋعا ۇمتىلاتىنىن راستادى», دەدى رۋسلان جەلدىباي.
ايتا كەتەيىك, اقوردا پرەزيدەنت قاسىم-جومارت توقاەۆتىڭ دونالد ترامپپەن,ء يزرايلدىڭ پرەمەر-ءمينيسترى بينيامين نەتانياحۋمەن تەلەفون ارقىلى سويلەسكەنىن حابارلاعان.