«قازگيدرومەت» رمك الماتىدا 15-ىنەن 16 قاڭتارعا قاراعان ءتۇنى جاۋاتىن قار 17 قاڭتار كەشكى ۋاقىتقا دەيىن جالعاساتىنان حابارلاپ وتىر. وسىعان بايلانىستى قالانىڭ كوممۋنالدىق ينفراقۇرىلىمدى دامىتۋ باسقارماسى مەن تۇرعىن ءۇي ينسپەكتسياسى كوممۋنالدىق قىزمەتتىڭ كۇشەيتىلگەن جۇمىس تارتىبىنە كوشكەنىن حابارلادى, دەپ جازادى Egemen.kz.
سونداي-اق قالادا اۋا تەمپەراتۋراسى -13 گرادۋسقا دەيىن تومەندەيدى دەپ بولجانىپ وتىر.
الداعى كۇندەرى بىرقاتار وڭىردە 40 گرادۋسقا دەيىن اياز بولادى
جاۋاپتى مەكەمەلەر وندىرىستىك بازالاردا جۇرگىزۋشىلەر, مەحانيزاتورلار مەن جول سالاسى جۇمىسشىلارىنىڭ تاۋلىك بويعى كەزەكشىلىگى جانە قار جاۋعانعا دەيىن ارنايى تەحنيكا ورنالاستىرىلاتىن اۋماقتاردا 210 قۇم سەبەتىن كولىك ازىرلەنگەنىن مالىمدەدى.
«سونىمەن قاتار الدىن الا نەگىزگى ماگيسترالدىق كوشەلەرگە سۇيىق رەاگەنتتەر سەبىلەدى. تاۋلىك بويى 1 030 بىرلىك ارنايى تەحنيكا, سونداي-اق جەكە ۇيىمداردان تارتىلاتىن 200 تەحنيكا مەن 2 710 جول سالاسى جۇمىسشىسى جۇمىلدىرىلادى. اۋلا اۋماقتارىن تازالاۋعا 1 790 جۇمىسشى مەن 256 بىرلىك ارنايى تەحنيكا تارتىلادى. جولدىڭ قاۋىپتى ۋچاسكەلەرىندە, ەڭىس پەن جوتالاردا, سونداي-اق جولايىرىقتارعا كىرىپ-شىعاتىن جولدارعا كوكتايعاقتىڭ الدىن الۋ جانە ونى ۋاقتىلى جويۋ ءۇشىن 75 جەدەل بريگادا جول جامىلعىسىنىڭ جاعدايىن ۇزدىكسىز باقىلايدى», دەلىنگەن حابارلامادا.
الماتىدا قالىڭ قار جاۋاتىنىن بۇعان دەيىن حابارلاعانبىز.