رەسپۋبليكا بويىنشا انتيتسيكلون ىقپالىنا بايلانىستى ەلىمىزدىڭ باسىم بولىگىندە اۋا تەمپەراتۋراسى ايتارلىقتاي تومەندەيدى, دەپ حابارلايدى Egemen.kz.
«قازگيدرومەت» رمك مالىمەتىنشە, 15 قاڭتاردا سولتۇستىك جانە شىعىس وبلىستاردا تۇنگى ۋاقىتتا اۋا تەمپەراتۋراسى 30-40 گرادۋس ايازعا دەيىن تومەندەيدى.
وڭتۇستىك وڭىرلەردە تۇندە 5-13 گرادۋسقا دەيىن اياز, ال وڭتۇستىك-شىعىس وبلىستاردا اۋا تەمپەراتۋراسى 8-17 گرادۋسقا دەيىن تومەندەيدى, تاۋلى اۋدانداردا 20-25 گرادۋس اياز بولادى.
قازاقستاننىڭ وڭتۇستىگىندە 15-16 قاڭتاردا قار ارالاس جاۋىن-شاشىن ءتۇسىپ, جاياۋ بۇرقاسىن سوعادى. سونداي-اق كوكتايعاق بولۋى ىقتيمال.
ەلدىڭ وڭتۇستىك-شىعىسىندا 16-17 قاڭتاردا قاتتى قار جاۋىپ, جاياۋ بۇرقاسىن سوعادى, تۇمان ءتۇسىپ, كوكتايعاق بولادى.
ايتا كەتەيىك, بۇگىن استانادا جانە قازاقستاننىڭ 16 وبلىسىندا داۋىل بولاتىنى تۋرالى ەسكەرتۋ جاريالاندى. وسى سەبەپتى اتىراۋ قالاسى, قوستاناي وبلىسى جانە استاناداعى بىرقاتار مەكتەپتە وقۋ ونلاين فورماتقا اۋىستىرىلدى.