مەكتەپ ديرەكتورىنىڭ قىزمەتى شەكسىز بولماۋى ءتيىس. وقۋ-اعارتۋ ءمينيسترى جۇلدىز سۇلەيمەنوۆا ءبىلىم بەرۋ ۇيىمدارىن باسقارۋدا ناقتى مەرزىم مەن ناتيجەگە نەگىزدەلگەن تالاپ قاجەت ەكەنىن ايتىپ, ديرەكتورلاردى 2 وقۋ جىلىنا تاعايىنداۋ تەتىگىن ۇسىندى, دەپ حابارلايدى Egemen.kz.
وقۋ-اعارتۋ ءمينيسترى جۇلدىز سۇلەيمەنوۆا مەكتەپ ديرەكتورلارىن تاعايىنداۋ جۇيەسىنە وزگەرىس ەنگىزۋ قاجەتتىگىن مالىمدەدى. ءمينيستردىڭ پىكىرىنشە, ديرەكتورلار باستاپقىدا 2 وقۋ جىلىنا تاعايىندالىپ, ەگەر جۇمىسى ناقتى ناتيجە كورسەتسە عانا تاعى 2 جىلعا ۇزارتىلۋى ءتيىس. وسىلايشا ءبىر باسشىنىڭ مەكتەپتى باسقارۋ مەرزىمى 4 وقۋ جىلىنان اسپاۋى قاجەت.
2025 جىلى ەلىمىزدە قانشا مەكتەپ سالىندى
مينيستر بۇل باستامانى جۋىق ارادا رەسمي بۇيرىقپەن بەكىتۋ كوزدەلىپ وتىرعانىن جەتكىزدى.
«ديرەكتور ەكى وقۋ جىلىنا تاعايىندالۋى كەرەك. سول كەزەڭدە مەكتەپتەگى ءبىلىم ساپاسى جاقسارىپ, وقۋشىلاردىڭ ءبىلىم دەڭگەيى ارتسا, قاۋىپسىزدىك تالاپتارى ساقتالىپ, مۇعالىمدەردىڭ كاسىبي الەۋەتى كوتەرىلسە, وندا ونىڭ قىزمەتىن تاعى ەكى جىلعا ۇزارتۋعا بولادى», دەدى مينيستر.
جۇلدىز سۇلەيمەنوۆانىڭ ايتۋىنشا, سوڭعى ۋاقىتتا مۇعالىمدەر تاراپىنان ديرەكتورلاردىڭ باسقارۋ ادەبىنە, قىزمەتتىك وكىلەتتىگىن اسىرا پايدالانۋىنا قاتىستى شاعىمدار جيىلەگەن.
«مەكتەپ ديرەكتورى وقۋ پروتسەسىن ۇيىمداستىرۋشى عانا. ول ءوزى دە بىلىكتى ۇستاز بولۋى قاجەت», دەدى ۆەدومستۆو باسشىسى.
الماتى مەكتەپتەرى وتاندىق تسيفرلىق جۋرنالعا بەت بۇردى