ۇلتتىق ەلەكتروندى كىتاپحانا – 2007 جىلى ۇلتتىق اكادەميالىق كىتاپحانانىڭ نەگىزىندە مادەنيەت جانە اقپارات مينيسترلىگىنىڭ جوباسى رەتىندە قۇرىلعان. كىتاپحانانىڭ 2025 جىلعى كورسەتكىشتەرى ايتارلىقتاي, دەپ حابارلايدى Egemen.kz.
سالا مينيسترلىگىنىڭ مالىمەتىنشە, كىتاپحانا قورىندا 64 تىلدە قۇجات ساقتالعان. پلاتفورمانى 122 ەلدىڭ وقىرماندارى پايدالانادى. ولاردىڭ قاتارىندا قىتاي, رەسەي, اقش, گەرمانيا, وزبەكستان, تۇركيا, نيدەرلاند, فرانتسيا, قىرعىزستان سياقتى ەلدەر بار.
ال پايدالانۋشىلار سانى 718 955-كە جەتكەن. قازاقستان ۇلتتىق ەلەكتروندى كىتاپحاناسى قورىندا كىتاپتار, ماقالالار, ديسسەرتاتسيالار جانە اۋديو-ۆيدەو فايلدار – جالپى 83 809 قۇجات جۇكتەلگەن. بارلىق ماتەريالدارمەن تىركەلمەي-اق پورتالدا تانىسۋعا بولادى.
كىتاپحانالار تسيفرلىق ترانسفورماتسيا ۇدەرىسىن باستاپ كەتتى – ايدا بالاەۆا