سارسەنبى, 14 قاڭتار كۇنى قوستاناي وبلىسىندا اۋا تەمپەراتۋراسىنىڭ تومەندەۋىنە بايلانىستى بىرقاتار مەكتەپ وقۋشىلارى ۋاقىتشا قاشىقتان وقۋ فورماتىنا كوشىرىلدى, دەپ حابارلايدى Egemen.kz.
قوستاناي قالاسىندا ءبىرىنشى اۋىسىمداعى 1-9-سىنىپ وقۋشىلارى قاشىقتان وقۋعا كوشىرىلدى.
رۋدنىي قالاسىندا 0-9-سىنىپ وقۋشىلارى قاشىقتان وقىتۋ فورماتىنا اۋىستىرىلدى.
بەيىمبەت مايلين اۋدانىندا اۋا تەمپەراتۋراسى -30-دان -33 گرادۋسقا دەيىن تومەندەۋىنە بايلانىستى بارلىق مەكتەپ تولىقتاي قاشىقتان وقىتۋعا كوشىرىلدى.
جىتىقارا اۋدانىندا اۋا تەمپەراتۋراسى -26,1 گرادۋس, جەلدىڭ جىلدامدىعى سەكۋندىنا 5 مەتر بولعاندىقتان, مەكتەپالدى دايارلىق سىنىپتارىنىڭ, سونداي-اق ءبىرىنشى اۋىسىمداعى 1-7-سىنىپ وقۋشىلارى قاشىقتان وقۋعا اۋىستىرىلدى.
قارابالىق اۋدانىندا اۋا تەمپەراتۋراسى -29 گرادۋس, جەلدىڭ جىلدامدىعى سەكۋندىنا 12 مەتر بولعان جاعدايدا مەكتەپالدى دايارلىق سىنىپتارى مەن ءبىرىنشى اۋىسىمداعى 1-9-سىنىپ وقۋشىلارى قاشىقتان وقۋعا كوشىرىلدى.
ليساكوۆسك قالاسىندا اۋا تەمپەراتۋراسى -27 گرادۋس, جەلدىڭ جىلدامدىعى سەكۋندىنا 5 مەتر بولعاندىقتان ءبىرىنشى اۋىسىمداعى 1-9-سىنىپ وقۋشىلارى قاشىقتان وقيدى.
التىنسارين اۋدانىندا اۋا تەمپەراتۋراسى -27 گرادۋسقا دەيىن تومەندەۋىنە بايلانىستى ءبىرىنشى اۋىسىمداعى 0-9-سىنىپ وقۋشىلارى قاشىقتان وقۋ فورماتىنا اۋىستىرىلدى.
ايتا كەتەيىك, بۇعان دەيىن استانادا دا سارسەنبى, 14 قاڭتار كۇنى اۋا رايىنىڭ قولايسىزدىعىنا بايلانىستى ءبىرىنشى اۋىسىمداعى 0-9-سىنىپ وقۋشىلارى ونلاين فورماتتا وقيتىنى حابارلانعان بولاتىن.
«قازگيدرومەت» رمك 14 قاڭتارعا قازاقستاننىڭ بىرنەشە وبلىسىندا داۋىلدى ەسكەرتۋ جاريالادى. سينوپتيكتەر بوران, قار جاۋى جانە كوكتايعاق بولۋى مۇمكىن ەكەنىن ەسكەرتەدى.