ىشكى ىستەر مينيسترلىگىنە قاراستى ەسىرتكى قىلمىسىنا قارسى ءىس-قيمىل كوميتەتىنىڭ توراعاسى مەيىرحان دانيار جاڭا اكىمشىلىك باپ بويىنشا جاۋاپقا تارتىلعاندار سانىن اتادى, دەپ حابارلايدى Egemen.kz.
قۇقىق بۇزۋشىلار 6 مىڭنان استام
سپيكەردىڭ ايتۋىنشا, اكىمشىلىك قۇقىق بۇزۋشىلىق تۋرالى كودەكسكە ەنگىزىلگەن جاڭا باپ ەسىرتكى بيزنەسىنە قارسى كۇرەس شارالارىنىڭ ءبىر بولىگىنە اينالعان.
«2025 جىلدىڭ ناۋرىز ايىنان باستاپ ەسىرتكى زاتتارىن مەديتسينالىق ەمەس ماقساتتا تۇتىنۋ ءۇشىن اكىمشىلىك جاۋاپكەرشىلىك ەنگىزىلدى. وسى كەزەڭدە 6 مىڭنان استام قۇقىق بۇزۋشى جاۋاپقا تارتىلدى. بۇل شارا پروفيلاكتيكالىق ناتيجە بەرىپ وتىر», دەدى مەيىرحان دانيار.
ناشاقورلىققا جانە ەسىرتكى بيزنەسىنە قارسى كۇرەس جوسپارى بەكىتىلدى
ايىپپۇل مولشەرى از ەمەس
ايتا كەتەيىك, ەسىرتكى قۇرالدارىن, پسيحوتروپتىق زاتتاردى, ولاردىڭ انالوگتارى مەن كۇشتى اسەر ەتەتىن زاتتاردى مەديتسينالىق ەمەس ماقساتتا تۇتىنعانى ءۇشىن جاۋاپكەرشىلىك اقبتك-ءنىڭ 440-1-بابىندا كوزدەلگەن. ەگەر بۇل ارەكەت قىلمىستىق قۇقىق بۇزۋشىلىق بەلگىلەرىن قامتىماسا, جەكە تۇلعاعا 40 ايلىق ەسەپتىك كورسەتكىش (2026 جىلى – 173 مىڭ تەڭگە) كولەمىندە ايىپپۇل سالۋ نەمەسە 10 تاۋلىككە دەيىن اكىمشىلىك قاماۋعا الۋ جازاسى قولدانىلادى.
ەگەر ءدال وسىنداي قۇقىق بۇزۋشىلىق 1 جىل ىشىندە قايتالانسا, جاۋاپكەرشىلىك كۇشەيتىلەدى: 80 ايلىق ەسەپتىك كورسەتكىش (2026 جىلى – 346 مىڭ تەڭگە) مولشەرىندە ايىپپۇل نەمەسە 20 تاۋلىككە دەيىن اكىمشىلىك قاماۋ قاراستىرىلعان.
الماتىدا ەسىرتكى بيزنەسىنە قاتىسى بار 6 مىڭنان استام بانك كارتاسى بۇعاتتالدى
سينتەتيكالىق ەسىرتكى ءوندىرىسى ازايعان
سونىمەن قاتار, كوميتەت توراعاسى ەسىرتكى بيزنەسىن ۇيىمداستىرۋشىلارعا قاتىستى قىلمىستىق جاۋاپكەرشىلىكتىڭ, ءتىپتى ءومىر بويىنا باس بوستاندىعىنان ايىرۋعا دەيىن قاتاڭداتىلۋى قازاقستان اۋماعىندا سينتەتيكالىق ەسىرتكى ءوندىرىسىنىڭ ازايۋىنا اكەلگەنىن اتاپ ءوتتى. ونىڭ سوزىنشە, كەيبىر جاسىرىن ءوندىرىس ورىندارى كورشىلەس ەلدەرگە كوشكەن.
ءىىم سينتەتيكالىق ەسىرتكىلەردىڭ تاپشىلىعى مەن باعاسىنىڭ وسكەنىن تىركەپ وتىر. بۇرىن ولاردىڭ باعاسى شامامەن 25 مىڭ تەڭگە بولسا, بۇگىندە 35 مىڭ تەڭگەگە دەيىن قىمباتتاعان.
«سينتەتيكالىق ەسىرتكىلەردىڭ باعاسى قىمباتتاپ, تاپشىلىق بايقالادى. ولاردى تاسىمالداۋ تۇرعىسىندا ىركىلىستەر ءجيى بولىپ وتىر. بۇل – ءوندىرىس, لوگيستيكا جانە تاراتۋ ارنالارىنا جاسالعان سوققىلاردىڭ تىكەلەي ناتيجەسى», دەدى مەيىرحان دانيار.
باس پروكۋراتۋرادا ەسىرتكى بيزنەسىنىڭ جاھاندىق سىن-قاتەرلەرىن تالقىلادى