قوستاناي. 24 اقپان. قوستانايدا «مەن دەنساۋلىقتى قالايمىن» اتتى جەلاياقتار جارىسى جەڭىستىڭ 70 جىلدىعى مەن كەڭەستەر وداعىنىڭ باتىرى سۇلتان بايماعانبەتوۆتىڭ تۋعانىنا 95 جىل تولۋىنا ارنالدى. بۇل تۋرالى ng.kz حابارلادى.
جارىس سوڭىندا ۇيىمداستىرۋشىلار قاتىسۋشىلاردىڭ بارلىعىنىڭ جۇگىرگەن جولىن ەسەپتەگەندە, سۇلتان باتىر تۋعان اۋليەكولدەن ول قازا بولعان لەنينگراد وبلىسىنداعى سينياۆينو پوسەلكەسىنە دەيىنگى ارالىقپەن بىردەي, ياعني 2 878 شاقىرىم بولادى ەكەن. 2 شاقىرىم, 5 جانە 10 شاقىرىمدىق جارىسقا بارلىعى مىڭ قارالى ادام قاتىستى. ونى «اگروماشحولدينگ» زاۋىتى, قوستاناي قالالىق دەنەشىنىقتىرۋ جانە سپورت ءبولىمى مەن وبلىستىق بوكس فەدەراتسياسى قولدادى. ەكى شاقىرىمعا نەگىزىنەن مەكتەپ وقۋشىلارى, بەس شاقىرىمعا ستۋدەنتتەر, ال ون شاقىرىمعا سپورت ارداگەرلەرى مەن كانىگى جەلاياقتار جۇگىردى. ولاردىڭ اراسىندا «اگروماشحودينگ» اكتسيونەرلىك قوعامىنىڭ باسقارما توراعاسى الەكسەي سيدورەنكو دا بار.
الەكسەي سيدورەنكو: «مەن ەكى جىلدان بەرى ترياتلونمەن اينالىسامىن. بۇل سپورت ءتۇرى جۇگىرۋ, سۋدا ءجۇزۋ جانە ۆەلوسيپەد تەبۋدى قامتيدى. قازىر ترياتلون قۇلاشىن كەڭ جايىپ كەلە جاتقان سپورت. تاريحي وقيعانى سپورتپەن بايلانىستىرعانىمىز قانداي عانيبەت. باتىرلارعا تاعزىم, ءارى دەنساۋلىق» دەدى.
اپپاق قاردىڭ ۇستىندە جۇگىرىپ كەلگەندەرگە «كوميلفو» شاتحاناسىنىڭ قىزمەتكەرلەرى ىستىق شاي مەن جۇمساق نان ۇسىندى. دالاعا داستارحان جايدى. وندا «قازاقستاندا جاسالعان», «شوكولادنيتسا» وندىرگەن» دەگەن جازۋلار مەن مۇندالاپ تۇردى.
ءنازيرا جارىمبەتوۆا.
دەرەك, سۋرەت: ng.kz.