بەلگىلى سپورتشى باقىت سارسەكباەۆ قازاقستان جاستار قۇراماسىنىڭ باس باپكەرى قىزمەتىنە تاعايىندالدى. بۇل جونىندە ەلىمىزدىڭ بوكس فەدەراتسياسى ءمالىم ەتتى, دەپ جازادى Egemen.kz.
باقىت سارسەكباەۆ قازىرگە دەيىن بۇل قىزمەتتى اتقارعان ماقسات باقتىبازاروۆتىڭ ورنىن باستى.
سارسەكباەۆ باقىت ابدراحمان ۇلى 1981 جىلدىڭ 29 قاراشاسىندا دۇنيەگە كەلگەن. 2008 جىلى بەيجىڭ وليمپياداسىنىڭ چەمپيونى اتانسا, 2006 جىلى قاتار استاناسى دوحا قالاسىندا ازيا ويىندارىنىڭ جەڭىمپازى, ءۇش دۇركىن ازيا چەمپيونى بولدى.
بوكستان قازاقستان ەرلەر قۇراماسىنىڭ باس باپكەرى اۋىستى
تاجىريبەلى مامان 2024 جىلدىڭ جەلتوقسان ايىنان ەلىمىزدىڭ 22 جاسقا دەيىنگىلەر اراسىنداعى قۇراماسىنىڭ اعا باپكەرى قىزمەتىن اتقارعان ەدى. فەدەراتسيا بۇل جوبا جۇمىسىن توقتاتاتىنىن مالىمدەدى. وندا شەبەرلىگىن شىڭداعان بوكسشىلار ەندى ۇلتتىق قۇراما ساپىنا قوسىلادى.
ايتا كەتەيىك, ەل بوكسشىلارى ازيا چەمپيوناتىنا دايىندىقتى باستادى.