الماتى قالاسى ءبىلىم باسقارماسىنىڭ باسشىلىعى مەكتەپ وقۋشىلارىنىڭ جەكە دەرەكتەرى تاراپ كەتكەنى تۋرالى تاراعان اقپاراتقا قاتىستى رەسمي حابارلاما تاراتتى, دەپ حابارلايدى Egemen.kz.
«مەسسەندجەرلەر مەن الەۋمەتتىك جەلىلەردە الماتى قالاسىنىڭ مەملەكەتتىك ورتا ءبىلىم بەرۋ ۇيىمدارىندا وقيتىن ءبىلىم الۋشىلاردىڭ جەكە دەرەكتەرىنىڭ تارالۋى جونىندە جالعان اقپاراتتىڭ جاريالانۋىنا بايلانىستى, اتالعان مالىمەتتەردىڭ شىندىققا سايكەس كەلمەيتىنىن حابارلايمىز.
ءبىلىم بەرۋ پروتسەسىن ەسەپكە الۋدىڭ جاڭا تسيفرلىق جۇيەسىنە كوشۋ اياسىندا ءبىلىم الۋشىلاردىڭ, ولاردىڭ زاڭدى وكىلدەرىنىڭ جانە پەداگوگ قىزمەتكەرلەردىڭ جەكە دەرەكتەرىن ءۇشىنشى تۇلعالارعا بەرۋ فاكتىلەرى ورىن العان جوق», دەلىنگەن حابارلامادا.
سونىمەن قاتار وندا جەكە دەرەكتەردى وڭدەۋ ءبىلىم بەرۋ ۇيىمدارى تاراپىنان قولدانىستاعى زاڭنامانىڭ تالاپتارىنا قاتاڭ سايكەس جانە تەك ءبىلىم بەرۋ پروتسەسىن قامتاماسىز ەتۋ مەن ۇيىمداستىرۋ ماقساتىندا جۇزەگە اسىرىلاتىنى جازىلعان.
«ازاماتتاردى جانە بۇقارالىق اقپارات قۇرالدارىنىڭ وكىلدەرىن تەك رەسمي اقپارات كوزدەرىنە سۇيەنۋگە جانە راستالماعان اقپاراتتى تاراتۋدان اۋلاق بولۋعا شاقىرامىز», دەپ جازدى باسقارمادان.