شىمكەنتتىڭ بۇرىنعى اكىمى عابيدۋللا ءابدىراحىموۆ ەندى «Samruk-Kazyna Construction» اكتسيونەرلىك قوعامىنىڭ باسقارما توراعاسىنىڭ وپەراتسيالىق قىزمەت جونىندەگى ورىنباسارى بولىپ تاعايىندالدى, دەپ جازادى Egemen.kz.
عابيدۋللا ءابدىراحىموۆ بۇل قىزمەتكە 2025 جىلدىڭ 29 جەلتوقسانىندا تاعايىندالدى.
ونىڭ ەكونوميكا جانە باسقارۋ سالالارىندا ءبىلىمى بار. سونداي-اق «بولاشاق» باعدارلاماسى اياسىندا العان مەملەكەتتىك باسقارۋ ماگيسترى دارەجەسىنىڭ يەگەرى. ول مەملەكەتتىك قىزمەت جۇيەسىندە, پرەزيدەنت اكىمشىلىگىندە جانە ۇكىمەتتە باسشىلىق قىزمەتتەر اتقارعان, سونداي-اق شىمكەنت قالاسىنىڭ اكىمى جانە مادەنيەت جانە سپورت ۆيتسە-ءمينيسترى بولىپ جۇمىس ىستەگەن.
دەسە دە عابيدۋللا ءابدىراحىموۆ «Samruk-Kazyna Construction» باسقارما مۇشەسى بولىپ تابىلمايدى.
ەسكە سالايىق, ول 2015–2017 جىلدارى, سونداي-اق 2018–2019 جىلدارى شىمكەنت قالاسىنىڭ اكىمى قىزمەتىن اتقاردى. 2019 جىلدىڭ شىلدەسىندە بۇل لاۋازىمنان بوساتىلدى.