اقوردانىڭ ءباسپاسوز قىزمەتى بۇگىن مەملەكەت باسشىسى قاسىم-جومارت توقاەۆتىڭ بىرنەشە كودەكس پەن زاڭعا قول قويعانىن حابارلادى, دەپ جازادى Egemen.kz.
مەملەكەت باسشىسى قازاقستان رەسپۋبليكاسىنىڭ قۇرىلىس كودەكسى مەن تسيفرلىق كودەكسكە قول قويدى.
سونداي-اق پرەزيدەنت «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساۋلەت, قالا قۇرىلىسى جانە قۇرىلىس ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويعانى جاريالاندى.
بۇگىن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تسيفرلاندىرۋ, كولىك جانە كاسىپكەرلىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا دا قول قويىلدى.
مەملەكەت باسشىسى «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.
كودەكستەر مەن زاڭداردىڭ ءماتىنى باسپاسوزدە جاريالانادى.
بۇعان دەيىن پرەزيدەنت 2026 جىلدى تسيفرلاندىرۋ جانە جي جىلى دەپ جاريالاۋ تۋرالى جارلىققا قول قويعانىن حابارلاعانبىز.
ەسكە سالايىق, 5 قاڭتار كۇنى پرەزيدەنت قاسىم-جومارت توقاەۆ «Turkistan» گازەتىنە كەڭ كولەمدى سۇحبات بەردى. وندا ول كولىك جانە لوگيستيكا سالاسىن دامىتۋ قازاقستان ءۇشىن ستراتەگيالىق ماڭىزى بار باسىمدىق ەكەنىن اتاپ ءوتتى.
قاسىم-جومارت توقاەۆ نۇرسۇلتان نازارباەۆتىڭ ۆلاديمير پۋتينمەن كەزدەسۋلەرى بەيرەسمي سيپاتقا يە ەكەنىن ايتتى. سونداي-اق پرەزيدەنت سوڭعى جىلدارى تاريحتى تالقىلاۋ سانگە اينالعانىن ءسوز ەتتى.ء تۇرلى پودكاستتار, فيلمدەر, ماقالالار مەن كىتاپتار شىعىپ جاتقانىنان حاباردار ەكەنىن جەتكىزدى.
قاسىم-جومارت توقاەۆ قاڭتار وقيعاسىنا قاتىسقان ازاماتتارعا بايلانىستى سوت پروتسەستەرى مەن تەرگەۋ جۇمىستارى جونىندە پىكىر ءبىلدىردى. مەملەكەت باسشىسى بۇل تاقىرىپقا قاتىستى نەگىزگى دەرەكتەر الدەقاشان بەلگىلى بولعانىن ايتىپ, كەيبىر سوت ىستەرى مەن ۇرلانعان قارۋدى ىزدەستىرۋ جۇمىستارى ءالى دە جالعاسىپ جاتقانىن مالىمدەدى.