الماتىداعى نيازبەكوۆ كوشەسى, 30/1 مەكەنجايىندا ورنالاسقان عيمارات سوت شەشىمىمەن ءسۇرىلدى. بۇل تۋرالى الماتىنىڭ قالا قۇرىلىسىن باقىلاۋ باسقارماسى حابارلادى, دەپ جازادى Egemen.kz.
بۇعان دەيىن جوسپاردان تىس تەكسەرۋ بارىسىندا نىسان يەسىنە (جەكە تۇلعاعا) قاتىستى اكىمشىلىك شارالار قابىلدانىپ, انىقتالعان زاڭبۇزۋشىلىقتاردى جويۋ جونىندە نۇسقاما بەرىلگەن.
نۇسقاما تالاپتارى ورىندالماعاندىقتان, باسقارما زاڭسىز سالىنعان نىساندى بۇزۋ تۋرالى تالاپ ارىزبەن جەتىسۋ اۋداندىق سوتىنا جۇگىندى. 2024 جىلى 17 جەلتوقسانداعى سوت شەشىمىمەن ارىز قاناعاتتاندىرىلدى.
تمد-دا بالاماسى جوق: الماتى تاۋلارىندا ەرەكشە قۇتقارۋ كەشەنى اشىلدى
الماتى قالالىق سوتىنىڭ 2025 جىلى 20 اقپانداعى قاۋلىسىمەن ءبىرىنشى ساتىداعى سوت شەشىمى وزگەرىسسىز قالدىرىلدى.
سوندىقتان سوت شەشىمىن ورىنداۋ اياسىندا نىسان يەسى عيماراتتى ءوز كۇشىمەن بۇزدى.
ايتا كەتەيىك, بۇعان دەيىن دە الماتىدا زاڭسىز سالىنعان بىرنەشە نىسان سۇرىلگەن.