بەرەكە مەن بىرلىكتىڭ ورتالىعى

راسىمگە قازاقستان حالقى اسسامبلەياسى توراعاسىنىڭ ورىنباسارى, پرەزيدەنت اكىمشىلىگى قازاقستان حال­قى اسسامبلەياسى حاتشى­لى­عىنىڭ مەڭگەرۋشىسى مارات ءازىلحانوۆ, پارلامەنت سە­ناتى مەن ءماجىلىسىنىڭ دەپۋتاتتارى رۋسلان رۇستەموۆ, ناۋرىزباي بايقاداموۆ, مۇرات ابەنوۆ, مارحابات جايىمبەتوۆ, مۇرات ەرگەش­باەۆ, ايان زەينۋللين, «قاز­اتومونەركاسىپ» ۇلتتىق اتوم كومپانياسىنىڭ باس­قارما توراعاسى مەيىرجان يۋسۋپوۆ, «سامۇرىق-قازىنا تراست» كورپوراتيۆتىك قو­رىنىڭ باس ديرەكتورى ال­فيا اديەۆا, زيالى قاۋىم وكىلدەرى قاتىستى.

بىرلىك پەن بەرەكەگە ۇندەيتىن ورتالىقتىڭ اشىلۋ راسىمىندە وبلىس اكىمى نۇرلىبەك نالىباەۆ جاڭا عيمارات ەل يگىلىگىنە قىزمەت ەتەتىنىن ايتىپ, قۇتتىقتاۋ ءسوزىن جەتكىزدى.

«وڭىرىمىزدە 30-دان اسا ەتنوس وكىلدەرى تاتۋ-ءتاتتى ءومىر سۇرەدى. اسسامبلەيا جا­­نىن­دا 11 ەتنومادەني بىر­لەستىك ءبىر مۇددە, ءبىر ماق­سات جولىندا ۇيىسىپ, ەل­دىڭ بىرلىگىن ساقتاۋ باعى­تىندا جۇمىس ىستەپ كەلە­دى. بەرەكە-بىرلىگىمىزدىڭ ۇيىت­قىسىنا اينالىپ, ەلىمىزدەگى ەتنوسارالىق دوستىق پەن بىرلىكتىڭ ۇلگىسىن الەمگە تانىت­قان قازاقستان حال­قى اسسامبلەياسىنىڭ قۇ­رىل­­عانىنا وتكەن جىلى 30 جىل تولدى. بۇگىندە اس­سام­­بلەيا حالقىمىزدى بىرلىك­كە, دوستىققا ۇندەيتىن جال­پى­ۇلتتىق كەلىسىمنىڭ نەگى­زىنە اينالدى. وتكەن جىلى 1 مامىر – قازاقستان حال­قىنىڭ بىرلىگى كۇنى وزدە­رىڭىزبەن بىرگە وسى جەردە جاڭا عيماراتتىڭ ىرگەتا­سىن قالاعان ەدىك. بۇگىن «قاز­اتومونەركاسىپ» ۇلت­تىق اتوم كومپانياسىنىڭ دە­مەۋ­شىلىگىمەن 3 ملرد 800 ملن تەڭگەگە سالىنعان سول دوستىق ءۇيىنىڭ زاماناۋي عيماراتىن ەل يگىلىگىنە تابىستاپ وتىرمىز. جالپى­ۇلتتىق تۇراقتىلىق پەن قوعام­دىق كەلىسىمنىڭ قاي­نار بۇلاعى – قازاقستان حالقى اسسامبلەياسىنىڭ 30 جىلدىعى اياسىندا بوي كو­تەرگەن, دوستىق پەن كەلىسىم­نىڭ نىشانىنا اينالاتىن جاڭا عيمارات بارشاڭىز­­عا قۇتتى بولسىن!» دەدى ن.نا­لىباەۆ.

سالتاناتتى راسىمدە بىر­لىك پەن كەلىسىمنىڭ نى­عايۋى­نا ەلەۋلى ۇلەس قوس­قان اس­سامبلەيا مۇشەلەرى مەن جاڭا عيماراتتى سالعان مەر­دىگەر مەكەمە وكىلدەرى قىزىلوردا وبلىسىنىڭ قۇرمەت گراموتاسىمەن, وبلىس اكىمىنىڭ العىس حاتىمەن ماراپاتتالدى.

عيماراتتا بىرلىك مەن ىن­تىماقتى نىعايتۋعا اتسا­­لىسقان ەتنومادەني بىر­لەس­تىكتەر جۇمىسىنا بار جاع­داي جاسالعان. سونى­مەن قاتار مۇندا وبلىس­تىق, قالالىق ارداگەرلەر كەڭە­سىنىڭ, ازاماتتىق اليانس وكىل­دەرىنىڭ دە تولىق جاب­دىق­تالعان جۇمىس كابي­نەت­تەرى بار. قالا ساۋلە­تىنە ءسان قوسقان جاڭا عيما­راتتاعى 200 ورىندىق كونتسەرتتىك, 50 ورىندىق اكت زالدارىندا مادەني-رۋحاني شارالار ۇيىمداستىرۋعا بولادى.

زاماناۋي عيمارات شى­عار­ماشىل جاستارعا ار­نال­عان دومبىرا, ءان, بي ۇيىر­مەلەرى, مەدياتسيا ورتا­لىعى, مۋزەي, اسسام­بلەيا جانىنداعى عىلىمي ساراپ­شىلىق توپتار جۇمى­سىنا دا جاڭاشا سەرپىن بەرەدى.

قىزىلوردا