اتىراۋ وبلىسىنىڭ قىزىلقوعا اۋدانىندا تۇراتىن ەرلى-زايىپتى, ۇلى مەن قىزى ءىز-ءتۇزسىز جوعالىپ كەتكەن ەدى. بۇگىن ەرلى-زايىپتىنىڭ ءمايىتى تابىلدى, دەپ جازادى Egemen.kz.
بۇل تۋرالى اتىراۋ وبلىستىق پوليتسيا دەپارتامەنتىنىڭ باسشىسى نۇرحات ورازباەۆ ءمالىم ەتتى.
«اتالعان فاكتى بويىنشا ادام ءولتىرۋ بەلگىلەرىمەن قىلمىستىق ءىس قوزعالدى. كۇدىكتىلەردىڭ جەكە باسى انىقتالدى. قازىر كۇدىكتىلەردى ىزدەۋ جانە ۇستاۋ ماقساتىندا قۇقىق قورعاۋ ورگاندارى ءتيىستى جەدەل-ىزدەستىرۋ ءىس-شارالارىن جۇرگىزىپ جاتىر», دەپ مالىمدەدى نۇرحات ورازباەۆ.
ونىڭ ايتۋىنا قاراعاندا, جوعالعان ەكى ادامنىڭ جۇرگەن جەرىن انىقتاۋ بويىنشا ىزدەستىرۋ شارالارى جالعاسىپ جاتىر.