قوناەۆ قالاسىنا ىسساپارمەن سەنات دەپۋتاتتارى جانبولات جورگەنباەۆ, زاكيرجان كۋزيەۆ جانە ءماجىلىس دەپۋتاتتارى جاناربەك ءاشىمجان, ارداق نازاروۆ كەلدى. ولار بىلتىر عانا اشىلعان «قاپشاعاي بيداي ونىمدەرى» جشس-ءنىڭ جۇمىسىمەن تانىستى, دەپ جازادى Egemen.kz.
مۇندا قۇراما جەم, ۇن, سۇيىق ماي وندىرىلەدى. زاۋىتتىڭ لوگيستيكاسى جولعا قويىلعان, تەمىرجول ارقىلى دايىن ءونىم بىردەن ەكسپورتقا جىبەرىلەدى. جالپى كاسىپورىننىڭ قۋاتتىلىعى جىلىنا 1 ملن توننا ءونىم شىعارۋعا جەتكىلىكتى.
زاۋىتتا 200-دەن استام جاڭا جۇمىس ورىنى قۇرىلدى. ءوندىرىس وشاعى زاماناۋي ستانوكتارمەن جابدىقتالعان. قاجەتتى قاپ تا وسىندا وندىرىلەدى. ال تارتىلعان ينۆەستيتسيا كولەمى – 15 ملرد تەڭگە.
«مۇنداي ءوندىرىس ورىندارىنىڭ ىسكە قوسىلۋى ءوڭىردىڭ اگروونەركاسىپتىك كەشەنىن دامىتۋعا سەرپىن بەرىپ, اۋىل شارۋاشىلىعى ونىمدەرىن تەرەڭ وڭدەۋگە جول اشادى. «قاپشاعاي بيداي ونىمدەرى» جشس سىندى كاسىپورىندار جەرگىلىكتى شارۋالاردى تۇراقتى وتكىزۋ نارىعىمەن قامتاماسىز ەتۋدە», دەيدى دەپۋتاتتار.
سونداي-اق ولار وسىنداي ونەركاسىپ ورىندارىنىڭ كوپتەپ سالىنۋى مەن ينۆەستيتسيا كولەمىنىڭ ارتۋى ەل ەكونوميكاسىنىڭ تۇراقتى وسۋىنە, جاڭا جۇمىس ورىندارىنىڭ اشىلۋىنا جانە وڭىرلەردىڭ الەۋمەتتىك-ەكونوميكالىق دامۋىنا تىكەلەي ىقپال ەتەتىنىن اتاپ ءوتتى.
الماتى وبلىسى.