مەملەكەت باسشىسى 2026 جىلدى تسيفرلاندىرۋ جانە جاساندى ينتەللەكت جىلى دەپ جاريالاۋ تۋرالى جارلىققا قول قويدى, دەپ جازادى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«تسيفرلاندىرۋدى ودان ءارى دامىتۋ جانە جاساندى ينتەللەكتىنى جاپپاي ەندىرۋ ماقساتىندا قاۋلى ەتەمىن:
1. 2026 جىل تسيفرلاندىرۋ جانە جاساندى ينتەللەكت جىلى دەپ جاريالانسىن.
2. قازاقستان رەسپۋبليكاسىنىڭ ۇكىمەتى تسيفرلاندىرۋ جانە جاساندى ينتەللەكت جىلىن وتكىزۋ بويىنشا قاجەتتى شارالاردى قابىلداسىن.
3. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
4. وسى جارلىق قول قويىلعان كۇنىنەن باستاپ قولدانىسقا ەنگىزىلەدى», دەلىنگەن جارلىق ماتىنىندە.
ايتا كەتەيىك, بۇگىن مەملەكەت باسشىسى پارلامەنتتىك رەفورما جونىندەگى جۇمىس كەڭەسىن وتكىزدى.