شيەلى اۋدانىنىڭ 42 جاستاعى تۇرعىنى وبلىستىق پروكۋراتۋرانىڭ ۇيلەستىرۋىمەن جۇرگىزىلگەن جەدەل-ىزدەستىرۋ ءىس-شاراسى ناتيجەسىندە ۇستالىپ وتىر. ول ءوز ۇيىندە ەسىرتكى ساتىپ جاتقان جەرىنەن قۇرىقتالعان, دەپ حابارلايدى Egemen.kz.
كۇدىكتىنىڭ ءۇيىن ءتىنتۋ بارىسىندا 2 پوليەتيلەن پاكەت پەن قاعازعا ورالعان 6 شاعىن تۇيىنشەك, 300-دەن استام سىرىڭكە قورابىنا سالىنعان كەپتىرىلگەن ءشوپ تەكتەس زاتتار تاركىلەنگەن. ءبارىنىڭ جالپى سالماعى 800 گرامنان اسىپ وتىر.
ءتىنتۋ كەزىندە تىركەۋدە جوق 1 اڭشى مىلتىعى جانە 21 گيلزا دا تابىلعان. قازىر وسى دەرەك بويىنشا سوتقا دەيىنگى تەرگەپ-تەكسەرۋ باستالىپ كەتتى.