جامبىل وبلىسىنا قاراستى جۋالى اۋدانى پوليتسيا بولىمىنە جايىلىمنان جىلقىلار جوعالعانى تۋرالى حابارلاما تۇسكەن. پوليتسەيلەر ۇرلانعان 11 باس جىلقىنى GPS ارقىلى ءىزىن سۋىتپاي تاپقان, دەپ جازادى Egemen.kz.
مال يەسى جىلقىلارعا الدىن الا ورناتىلعان GPS باقىلاۋ قۇرىلعىسى ارقىلى ولاردىڭ بەلگىسىز باعىتقا قاراي قوزعالىپ بارا جاتقانىن بايقاپ, دەرەۋ 102 نومىرىنە حابار بەرگەن.
پوليتسەيلەر تۇنگى قار ارالاس جاڭبىرعا قاراماستان, GPS دەرەكتەرى نەگىزىندە كۇدىكتىلەردىڭ باعىتىن انىقتاپ, ءىز كەسكەن. ناتيجەسىندە كورشىلەس اۋىل اۋماعىنان 11 باس جىلقى تولىق تابىلىپ, زاڭدى يەسىنە قايتارىلدى.
جۋالى اۋدانىنىڭ ءبىر تۇرعىنى انىقتالىپ, ۋاقىتشا ۇستاۋ يزولياتورىنا قامالدى. الدىن الا ءسوز بايلاسۋى ارقىلى توپ بولىپ, ءىرى مولشەردە بوتەننىڭ مالىن جاسىرىن جىمقىرۋ بابى بويىنشا سوتقا دەيىنگى تەرگەپ-تەكسەرۋ ءىسى باستالدى.