كەشە سىرتقى ىستەر ءمينيسترى ەرلان ىدىرىسوۆ ەلىمىزدە تىركەلگەن شەتەلدىك قۇرمەتتى كونسۋلدارمەن كەزدەستى.
باسقوسۋدا مينيستر قازاقستانداعى قۇرمەتتى كونسۋلدارمەن بىرلەسە ناتيجەلى جۇمىس ىستەۋدىڭ ماڭىزدىلىعىنا توقتالا وتىرىپ, ولاردى ەلىمىزدەگى قىزىقتى جوبالار مەن ماڭىزدى سالالارعا جان-جاقتى قولداۋ كورسەتۋگە شاقىردى.
بۇدان بولەك, ەرلان ىدىرىسوۆ «نۇرلى جول» باعدارلاماسى مەن ەكسپو-2017 حالىقارالىق كورمەسى قارساڭىندا ديپلوماتتاردىڭ شەتەلدىك بيزنەسمەندەردى تارتۋعا بارىنشا قولعابىس ەتۋلەرىن كەڭىنەن ءسوز ەتتى. سونىمەن قاتار, جيىندا بىرقاتار ەلگە قاتىستى ۆيزالىق رەجىمدەردىڭ جەڭىلدەتىلۋى دە اڭگىمە ارقاۋىنا اينالدى.
جيىن سوڭىندا, كۇن تارتىبىندەگى وزەكتى ماسەلەلەر تالقىلاناتىن وسىنداي كەلەلى كەڭەستەردى ءداستۇرلى تۇردە وتكىزىپ تۇرۋ ۇسىنىلدى.
جولدىباي بازار,
«ەگەمەن قازاقستان».