جاساندى ينتەللەكت جانە تسيفرلىق دامۋ مينيسترلىگى جەكەلەگەن پايدالانۋشىلار تاراپىنان ينتەرنەتتىڭ ۇستاماي قالۋى بويىنشا قيىندىقتاردىڭ جۇيەلى سيپاتتا بولماعانىن حابارلادى, دەپ جازادى Egemen.kz.
– اتالعان كەزەڭدە بايلانىس وپەراتورلارى جەلىلەرىنىڭ جۇمىسىندا اقاۋ تىركەلگەن جوق, تەلەكوممۋنيكاتسيالىق ينفراقۇرىلىم شتاتتىق رەجيمدە جۇمىس ىستەدى.
بايلانىس وپەراتورلارىنىڭ اقپاراتى بويىنشا, جەكەلەگەن پايدالانۋشىلار ينتەرنەت ساپاسىنىڭ ۋاقىتشا تومەندەۋىنە تاپ بولۋى مۇمكىن, – دەلىنگەن مينيسترلىك حابارلاماسىندا.
بۇل بىرقاتار فاكتورعا, سونىڭ ىشىندە كەلەسى سەبەپتەرگە بايلانىستى بولۋى ىقتيمال:
بازالىق ستانتسيالارعا تۇسەتىن جۇكتەمەنىڭ ارتۋى نەمەسە بىركەلكى بولماۋى; راديوورتانىڭ ەرەكشەلىكتەرى مەن قۇرىلىس تىعىزدىعى; جەلىنى ءبىر ۋاقىتتا كوپ ابونەنتتىڭ پايدالانۋى; جەلىنىڭ تۇراقتىلىعى مەن ساپاسىن ارتتىرۋعا باعىتتالعان جوسپارلى جۇمىستاردى جۇرگىزۋ.– نەگىزگى تسيفرلىق مەملەكەتتىك سەرۆيستەر مەن اقپاراتتىق جۇيەلەر جۇمىسى اقاۋسىز جالعاستى. جالپى ەل بويىنشا ينتەرنەت تۇراقتى جۇمىس ىستەدى.
مينيسترلىك بايلانىس وپەراتورلارىمەن بىرلەسىپ, جەلىلەردىڭ جۇمىسىنا باقىلاۋ جۇرگىزەدى. قاجەت بولعان جاعدايدا وپەراتورلار شۇعىل تۇردە تەحنيكالىق شارالار قابىلدايدى, – دەلىنگەن حابارلامادا.