بۇگىن «Turkistan» گازەتىندە مەملەكەت باسشىسى قاسىم-جومارت توقاەۆتىڭ اۋقىمدى سۇحباتى جاريالاندى. سۇحباتتا پرەزيدەنت وتكەن جىلدى قورىتىندىلاپ, ەل كوكەيىندەگى ساۋالدارعا جاۋاپ بەردى, دەپ جازادى Egemen.kz.
سۇحبات بارىسىندا «Turkistan» گازەتىنىڭ باس رەداكتورى باۋىرجان باباجان ۇلى پارلامەنتتىك رەفورما تۋرالى سۇرادى. وسى تاقىرىپ اياسىندا سۇحبات الۋشى كەي ساراپشىلاردىڭ بۇل رەفورمانى پارلامەنت توراعاسى لاۋازىمىن مەملەكەتتىك باسقارۋ جۇيەسىندەگى ەڭ باستى لاۋازىمعا اينالدىرۋ ءۇشىن عانا وتكىزىلەتىنىن ايتىپ جۇرگەنىن العا تارتىپ, بۇل لاۋازىمدى پرەزيدەنت وزىنە دايىنداپ جاتىر دەگەن دە سىبىستىڭ بار ەكەنىن جاسىرماي, مەملەكەت باسشىسىنىڭ پىكىرىن ءبىلدى.
«بۇل – بوس اڭگىمە. مۇنداي پىكىر مەنىڭ ساياسي قاعيداتتارىما قايشى كەلەدى. مەن قازاقستاننىڭ پرەزيدەنتتىك باسقارۋ ۇلگىسىندەگى مەملەكەت ەكەنىن بىرنەشە رەت ايتتىم. وسىدان 8 جىل بۇرىن, ياعني اقورداعا كەلگەنگە دەيىن «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» تۇجىرىمداماسىن جاريالادىم. جەكە باستىڭ قامىن كۇيتتەپ, مەملەكەتتىك جۇيەنى تۇتاستاي وزگەرتە سالۋ بارىپ تۇرعان جاۋاپسىزدىق, ءتىپتى, ادامگەرشىلىككە جاتپايتىن ارەكەت بولار ەدى.
ەلىمىز ءۇشىن اسا ماڭىزدى رەفورمانىڭ ءبارى جالپىحالىقتىق رەفەرەندۋمعا شىعارىلادى. بۇل جەردە ەشقانداي استىرتىن ويلار جوق. مەنىڭ ۇستانىمىم بارشاعا بەلگىلى, ساياسي رەفورمالار جالعاسا بەرەدى. ۇزاق مەرزىمگە ارنالعان جوسپاردىڭ ءبىر بولىگى ادەتتەگىدەي جاقىن ارادا جاريالانادى», دەدى پرەزيدەنت.
توقاەۆ ەكس-پرەزيدەنتتىڭ ماسكەۋگە ساپارى تۋرالى: نە ايتىلعانى ماعان قىزىق ەمەس
بۇعان دەيىن قاسىم-جومارت توقاەۆ بيلىك ترانزيتىنە قاتىستى دا پىكىر بىلدىرگەن ەدى.
سونداي-اق پرەزيدەنت دەنساۋلىعىنا قاتىستى ساۋالعا دا اشىق جاۋاپ بەردى.