الماتىنىڭ «قايرات» فۋتبول كلۋبى ءباا-دە وقۋ-جاتتىعۋ جيىنىن وتكىزىپ جاتىر. كوماندا قۇرامىندا تەك داستان ساتپاەۆ, ولجاس بايبەك جانە ازامات تۇياقباەۆ جوق. ولار ەسكى جاراقاتتارىن ەمدەپ جاتقان كورىنەدى. ال قالعاندارىنىڭ ءتورت كوزى تۇگەل, دەپ حابارلايدى Egemen.kz.
وقۋ-جاتتىعۋ جيىنىنان بولەك, جەرلەستەرىمىز پارسى شىعاناعىندا ەكى جولداستىق كەزدەسۋ وتكىزۋدى جوسپارلاپ وتىر. 9 قاڭتاردا الماتىلىقتار ازەربايجاننىڭ «نەفچيىمەن» جانە 14 قاڭتاردا حورۆاتيانىڭ «ۆاراجديناسىمەن» شەبەرلىك بايقاسادى. وسى ويىنداردىڭ قورىتىندىسى بويىنشا كوماندانىڭ نەگىزگى قۇرامى جاساقتالادى.
«قايرات» چەمپيوندار ليگاسى الدىنداعى ەۋروپالىق كلۋبتارمەن وتەتىن ماتچتارىن جاريالادى
بيىل «قايراتتىڭ» الدىندا ەكى ۇلكەن مىندەت تۇر. ءبىرىنشىسى, بىلتىرعى ماۋسىمدا جەڭىپ العان قازاقستان چەمپيونى اتاعىن بيىل دا ءساتتى قورعاپ قالۋ قاجەت. ەكىنشىدەن, ۋەفا چەمپيوندار ليگاسىنىڭ جالپى كەزەڭىندە مۇكىندىگىنشە ۇپاي الۋعا تىرىسىپ كورۋ كەرەك. قازىر الماتىلىقتاردىڭ قورجىنىندا التى ويىندا جيعان ءبىر عانا ۇپاي بار. وسى جارىس اياسىندا «قايرات» 20 قاڭتاردا بەلگيانىڭ «بريۋگگەسىن» قابىلداسا, 28 قاڭتاردا لوندونعا ساپار شەگىپ, جەرىگىلىكتى «ارسەنالمەن» كۇش سىناسادى.
«قايرات» اناربەكوۆتى ساتا ما؟ كلۋبتىڭ سوڭعى شەشىمى بەلگىلى بولدى