اۋا رايىنىڭ قۇبىلۋىنا بايلانىستى قاراعاندى, اقمولا, شىعىس قازاقستان جانە پاۆلودار وبلىستارىنداعى جول قوزعالىسىنا وزگەرىستەر ەنگىزىلدى, دەپ حابارلايدى Egemen.kz.
وڭىرلەردەگى جاعداي:
قاراعاندى وبلىسى: 4 قاڭتاردان باستاپ اۋا رايىنىڭ ناشارلاۋىنا بايلانىستى رەسپۋبليكالىق ماڭىزى بار «استانا – قاراعاندى – الماتى» تاسجولىنىڭ 92–164 شاقىرىم ارالىعىندا (انار ستانتسياسىنان تەمىرتاۋ قالاسىنا دەيىن) جىلدامدىق رەجىمى ساعاتىنا 110 شاقىرىمعا دەيىن تومەندەتىلدى.
اقمولا وبلىسى: اۋا رايىنىڭ جاقسارۋىنا بايلانىستى «استانا – كوكشەتاۋ – پەتروپاۆل» تاسجولىنىڭ 18 – 232 شاقىرىم بولىگىندە جىلدامدىق رەجىمى ساعاتىنا 110 شاقىرىمعا دەيىن ۇلعايتىلدى.
اياز كۇشەيىپ, داۋىل سوعادى: سينوپتيكتەردىڭ بۇگىنگى بولجامى
شىعىس قازاقستان وبلىسى: «وسكەمەن – التاي – قاتونقاراعاي – راحمان قاينارلارى» جولىندا تىركەمەسى بار جۇك كولىكتەرى ءۇشىن شەكتەۋ ەنگىزىلدى. بۇل تىيىم وسى قىس ماۋسىمىنىڭ سوڭىنا دەيىن كۇشىندە بولادى.
پاۆلودار وبلىسى: «استانا – شىدەرتى – پاۆلودار – ۋسپەنكا» تاسجولىنداعى قالقامان جول ايرىعىندا تەحنيكالىق اقاۋلار انىقتالدى. وسىعان بايلانىستى قالقامان كەنتىنە كىرەبەرىس پەن استانا باعىتىنا شىعاتىن جول جابىلدى.