31 جەلتوقسان كۇنى قارا تەڭىزدەگى تۋاپسە پورتىندا جانە تۋاپسە مۇناي وڭدەۋ زاۋىتىندا ء(موز) ۇشقىشسىز ۇشۋ اپپاراتتارىنىڭ شابۋىلى سالدارىنان زاقىم تىركەلدى. بۇل تۋرالى كراسنودار ولكەسىنىڭ جەدەل شتابى مالىمدەگەن, دەپ حابارلايدى Egemen.kz.
رەسمي مالىمەتكە سايكەس, پورتتاعى ايلاقتاردىڭ بىرىندە شىققان ءورت جەدەل تۇردە سوندىرىلگەن. سونداي-اق مۇناي وڭدەۋ زاۋىتى اۋماعىنداعى ءورت تە تولىقتاي اۋىزدىقتالعان. ءورت اۋماعى شامامەن 300 شارشى مەتردى قۇراعان.
تۋاپسە پورتىنىڭ ماڭىزى
تۋاپسە پورتى – رەسەيدىڭ مۇناي ونىمدەرىن ەكسپورتتاۋداعى ستراتەگيالىق نىساندارىنىڭ ءبىرى. ول نەگىزىنەن:
تۋاپسە مۇناي وڭدەۋ زاۋىتىنىڭ ونىمدەرىن;
«روسنەفت» كومپانياسىنا تيەسىلى سامارا توبىنىڭ ءموز-دەرىندە وندىرىلگەن جانارمايدى ەكسپورتتاۋعا پايدالانىلادى.
جىلدىق قۋاتتىلىعى 12 ملن توننا بولاتىن تۋاپسە ءموز ىشكى نارىققا ارنالعان اۆتوبەنزين مەن تومەنكۇكىرتتى ديزەل وتىنىن وندىرمەيدى. كاسىپورىن نەگىزىنەن نافتا, مازۋت, ۆاكۋمدى گازويل جانە كۇكىرت مولشەرى شامامەن 0,7% بولاتىن ديزەل وتىنىن شىعارادى.
بۇعان دەيىنگى وقيعا
ايتا كەتەيىك, بۇعان دەيىن 2 قاراشا كۇنى تۋاپسە پورتىندا بپلا سىنىقتارىنىڭ قۇلاۋىنان مۇناي قۇيۋ تەرمينالىنىڭ نىساندارى مەن ەكى شەتەلدىك ازاماتتىق كەمە زاقىمدانعان ەدى. سول كەزدە تۋاپسە مۇناي وڭدەۋ زاۋىتى ۋاقىتشا جۇمىسىن توقتاتۋعا ءماجبۇر بولعان.
ەكى اپتالىق ۇزىلىستەن كەيىن پورت ەكسپورتتىق جۇك تيەۋدى قايتا جانداندىرىپ, ال زاۋىت ءوندىرىسىن قايتا ىسكە قوسقان بولاتىن.