جاڭا 2026 جىل ايتارلىقتاي وزگەرىس اكەلەدى. ەندەشە, نەندەي جايتتارعا دايىندالۋ كەرەك؟ وسى جىلى ەل تۇرعىندارىن ءتۇرلى سالادا بىرقاتار وزگەرىستەر كۇتىپ تۇر, دەپ حابارلايدى Egemen.kz.
ەسەپتىك كورسەتكىشتەر
ايلىق ەسەپتىك كورسەتكىش (اەك) 3 932 تەڭگەدەن 4 325 تەڭگەگە دەيىن كوتەرىلدى.
سونىمەن قاتار ەلدەگى ەڭ تومەنگى كۇنكورىس دەڭگەيى دە ءوستى. 2026 جىلى ول 50 851 تەڭگە بولماق.
دەگەنمەن ەڭ تومەنگى جالاقى سول قالپى قالدى, ونىڭ مولشەرى ءۇشىنشى جىل قاتارىنان 85 000 تەڭگە كولەمىندە بولىپ كەلەدى.
زەينەتاقى
2026 جىلى قازاقستانداعى ەڭ تومەنگى بازالىق زەينەتاقى 35 596 تەڭگە, ال ىنتىماقتىق زەينەتاقى 69 049 تەڭگەنى قۇرايدى.
بازالىق زەينەتاقىنىڭ ەڭ جوعارى مولشەرى 60 004,18 تەڭگە, بۇل 34 جىل نە ودان دا كوپ جۇمىس ءوتىلى بار جاندارعا ارنالعان.
زەينەتاقى 10%-عا وسەدى: 2026 جىلى زەينەتكەرلەر قانشا تەڭگە الادى؟
جاردەماقىعا قاتىستى نە وزگەرەدى
العاشقى ءۇش بالانىڭ تۋىنا بايلانىستى بەرىلەتىن جاردەماقى 149 416 تەڭگەدەن 164 350 تەڭگەگە دەيىن ارتادى. ءتورتىنشى جانە ودان كەيىنگى بالالاردىڭ تۋىنا بايلانىستى جاردەماقى 247 716 تەڭگەدەن 272 475 تەڭگەگە دەيىن ارتادى. كوپ بالالى وتباسىلارعا ارنالعان جاردەماقى ءتورت بالاعا 63 030 تەڭگەدەن 69 330 تەڭگەگە دەيىن جانە ون بالاعا 157 000 تەڭگەدەن 173 000 تەڭگەگە دەيىن ارتادى.
جالپى اۋرۋىنا بايلانىستى مۇگەدەكتىك بويىنشا جاردەماقى كەلەسىدەي ارتادى:
1 توپ - 101 702 تەڭگەدەن 111 872 تەڭگەگە دەيىن;
2 توپ - 81 362 تەڭگەدەن 89 498 تەڭگەگە دەيىن;
3 توپ - 55 474 تەڭگەدەن 61 021 تەڭگەگە دەيىن.
بيىل 370 مىڭعا جۋىق ادام جاردەماقىمەن قامتىلعان
الەۋمەتتىك تولەمدەر
قازاقستاندا مۇگەدەكتىك جانە اسىراۋشىسىنان ايىرىلۋ بويىنشا الەۋمەتتىك تولەمدەر دە 2026 جىلدىڭ 1 قاڭتارىنان باستاپ 10 پايىزعا ارتادى.
بىراق الەۋمەتتىك تولەمدەردىڭ ناقتى مولشەرى جوق, سەبەبى ولار ءار ادامعا جەكە ەسەپتەلەدى.
2026 جىلى 1 اەك قانشا تەڭگە بولادى؟
بالالارعا بەرىلەتىن جاردەماقى
ەلىمىزدە بالا ءبىر جارىم جاسقا تولعانعا دەيىن اي سايىنعى مەملەكەتتىك بالا كۇتىمىنە ارنالعان جاردەماقى تولەنەدى. بۇل جاردەماقى مىندەتتى الەۋمەتتىك ساقتاندىرۋ جۇيەسىنىڭ مۇشەسى ەمەس, ياعني رەسمي تۇردە جۇمىس ىستەمەيتىن نەمەسە دەكرەتتىك دەمالىستا بولماعان قازاقستاندىق ايەلدەرگە بەرىلەدى.
جاردەماقى مولشەرى بالانىڭ رەتتىك سانىنا بايلانىستى: ءبىرىنشى بالاعا ايىنا 5,76 اەك (2026 جىلى 24 912 تەڭگە); ەكىنشى بالاعا - 6,81 اەك (29 453,25 تەڭگە); ءۇشىنشى بالاعا - 7,85 اەك (33 951,25 تەڭگە), ءتورتىنشى جانە ودان كەيىنگى بالالارعا - 8,9 اەك (38 492,5 تەڭگە) تاعايىندالادى.
مىندەتتى مەديتسينالىق ساقتاندىرۋ جۇيەسىنە قاتىساتىن, جۇمىس ىستەيتىن ايەلدەرگە جاردەماقىنىڭ ورنىنا بالا كۇتىمى ءۇشىن الەۋمەتتىك تولەمدەر تاعايىندالادى.
بالا سانى سەگىزدەن اسسا, جاردەماقى مولشەرى قالاي وزگەرەدى؟
جاڭا ايىپپۇلدار
بيىل بىرقاتار جاڭا ايىپپۇل ەنگىزىلەدى. مىسالى جاساندى ينتەللەكت (جي) جۇيەلەرىن پايدالانۋعا بايلانىستى بۇزۋشىلىقتار ءۇشىن ايىپپۇلدار ەنگىزىلدى, سونىڭ ىشىندە جي جۇيەسىنىڭ يەلەرى مەن پايدالانۋشىلارىنا جالعان اقپارات تاراتقانى ءۇشىن ايىپپۇلدار سالىنادى.
ال 2026 جىلدىڭ 18 قاڭتارىنان باستاپ تەمەكى ونىمدەرى مەن ەنەرگەتيكالىق سۋسىنداردى 21 جاسقا تولماعان ادامدارعا ساتۋعا تىيىم سالىنادى, ال بۇزۋشىلىقتار ءۇشىن جەكە تۇلعالار مەن كاسىپكەرلەر ايىپپۇل تولەيدى.
كۇدىكتى اۋدارىمدار
قازاقستاندا ازاماتتاردىڭ ءموبيلدى اقشا اۋدارىمدارىن كەزەڭ-كەزەڭىمەن تەكسەرۋ باستالدى. تەكسەرۋگە تەك كاسىپكەرلىك قىزمەتتەن تۇسكەن تابىسى كورسەتىلگەن ترانزاكتسيالار عانا ىلىگەدى.
بيىل تومەندەگى شارتتاردىڭ بىرىنە سايكەس كەلسەڭىز, تەكسەرىستەن ءوتۋىڭىز مۇمكىن: جەكە تۇلعانىڭ ءۇش كۇنتىزبەلىك ايدىڭ ارقايسىسىندا بانكتەگى جەكە شوتىنا كاسىپكەرلىك قىزمەتكە ارنالماعان 100 نەمەسە ودان دا كوپ ءار ءتۇرلى جەكە تۇلعادان اقشا الۋى. كورسەتىلگەن كەزەڭدەگى جالپى سوما رەسپۋبليكالىق بيۋدجەت تۋرالى زاڭدا بەلگىلەنگەن جانە ءتيىستى قارجى جىلىنىڭ 1 قاڭتارىنداعى جاعداي بويىنشا قولدانىستا بولاتىن ەڭ تومەنگى جالاقىنىڭ 12 ەسەلەنگەن مولشەرىنەن اسادى.
كۇماندى اۋدارىمدى انىقتاۋ تەتىگى كۇشەيدى
قۇجات الۋعا قانداي باج تولەيمىز
1 قاڭتاردا قازاقستانداعى ايلىق ەسەپتىك كورسەتكىش (اەك) 10 پايىزعا وسكەندىكتەن, قۇجاتتاردى وڭدەۋ شىعىندارى دا كوتەرىلەدى. سوندىقتان ستاندارتتى 36 بەتتىك وتاندىق تولقۇجات 34 600 تەڭگە تۇرادى, ال 48 بەتتىك تولقۇجات 51 900 تەڭگە تۇرادى.
بۇگىننەن باستاپ قازاقستان ازاماتتارى جەكە كۋالىگىن العاشقى بەرىلگەن كەزدە تەگىن الا الادى.
ال جۇرگىزۋشى كۋالىگى مەن كولىك قۇرالىن تىركەۋ كۋالىگىنىڭ ارقايسىسىنىڭ باعاسى 5 406,25 تەڭگە. بۇل 2026 جىلى جۇرگىزۋشى كۋالىگى مەن تىركەۋ كۋالىگىنىڭ باعاسى الدىڭعى جىلمەن سالىستىرعاندا 10 پايىزعا جوعارى بولاتىنىن بىلدىرەدى.
كولىككە ستاندارتتى مەملەكەتتىك تىركەۋ ءنومىرىن بەرۋ بيىل 2,8 اەك نەمەسە 12 110 تەڭگە تۇرادى.
جاڭا تۋعان نارەستەگە شەتەلدىك تولقۇجاتتى قالاي الادى
زەينەتكە شىعۋ ماسەلەسى
2001 جىلدىڭ 1 شىلدەسىنەن باستاپ ەر ادامدار 63 جاستا زەينەتكە شىعادى. سودان بەرى ولاردىڭ زەينەتكە شىعۋ جاسى وزگەرىسسىز قالدى. الايدا ايەلدەردىڭ زەينەتكە شىعۋ جاسى 2023 جىلدان باستاپ 61 جاس بولىپ بەلگىلەندى. ول الداعى 2 جىل بويى سولاي بولىپ قالا بەرەدى.
سالىق كودەكسى
بيىلعى جىلدىڭ ەڭ كوپ تالقىلانعان جاڭالىعى, بۇگىن كۇشىنە ەنگەن قوسىلعان قۇن سالىعىنىڭ (ققس) جاڭا بازالىق مولشەرلەمەسى 16 پايىز مولشەرىندە بەلگىلەنۋى. 2026 جىلدان باستاپ ءدارى-دارمەكتەر مەن مەديتسينالىق قىزمەتتەرگە 5 پايىز, ال 2027 جىلدان باستاپ 10 پايىز تومەندەتىلگەن ققس مولشەرلەمەسى بەلگىلەندى.
ەندى سالىقتار سانى ازايتىلدى: بىرىڭعاي جەر سالىعى الىپ تاستالدى, سونداي-اق كەيبىر سالىقتار بويىنشا مولشەرلەمەلەر مەن الىمدار سانى ازايتىلدى. ارنايى سالىق رەجيمدەرى دە جەتىلدىرىلدى, ەندى ولاردىڭ سانى ۇشەۋ: جەڭىلدەتىلگەن سالىق دەكلاراتسياسى, ءوزىن-ءوزى جۇمىسپەن قامتىعاندار ءۇشىن جانە شارۋا قوجالىقتارى ءۇشىن.
جەكە كاسىپكەرلەر ءموبيلدى قوسىمشا ارقىلى تولەمدەردى ەسەپتەپ, تولەي الادى.
سالىق رەفورماسى: جاڭا جىلدان باستاپ ءوسىمپۇلدار مەن ايىپپۇلدار كەشىرىلەدى