بالالاردىڭ «اياز اتاعا, سولتۇستىك پوليۋسكە» دەپ جولداعان حاتتارى كەيدە ناقتى مەكەنجايى بولماعان سوڭ جوعالىپ كەتۋى دە مۇمكىن. بىراق بۇل ماسەلەنى ەرەكشە تاسىلمەن شەشكەن ءبىر ەل بار. كانادا پوشتا قىزمەتى اياز اتاعا ارنايى پوشتا يندەكسىن رەسمي تۇردە بەكىتكەن.
ەڭ قىزىعى, وسى ءبىر يندەكس اياز اتاعا ءتان كۇلكىنى ەسكە سالادى, ياعني H0H 0H0. كانادا پوشتاسىندا ءدال وسى حاتتارعا جاۋاپ بەرۋمەن اينالىساتىن ارنايى ءبولىم بار. ياعني بۇل – جاي عانا ادەمى ءداستۇر ەمەس, ناقتى جۇمىس ىستەيتىن جۇيە. سانتاعا كەلگەن ءاربىر حات نازاردان تىس قالمايدى, وعان مىندەتتى تۇردە جاۋاپ جولدانادى. مۇنداي باستاما بالالاردىڭ قيالىن جانداندىرىپ قانا قويماي, «حات جازۋ مادەنيەتىن» دە قىزىقتى ويىنعا اينالدىرىپ وتىر.