بالاۋسا كەزىنەن تاعدىر تاۋقىمەتىن تارتقان بالالار ءۇشىن جاڭا جىلدىق شىرشانىڭ ءجونى بولەك. اسىرەسە اياز اتانىڭ قولىنان سىيلىق الىپ, قۋانعان ءساتى جان تەبىرەنتەدى.
مۇنايلى شاھاردا «18 جاسقا دەيىنگى مۇگەدەكتىگى بار بالالاردى الەۋمەتتەندىرۋ» جوباسى جۇزەگە اسىرىلىپ كەلەدى. اتىراۋ قالالىق جۇمىسپەن قامتۋ جانە الەۋمەتتىك باعدارلامالار ءبولىمى اتالعان جوبا اياسىندا جاڭا جىلدىق شىرشا مەرەكەسىن ۇيىمداستىردى. كۇن سايىن وتكەن ءىس-شاراعا تاعدىر تاۋقىمەتىن تارتىپ جۇرگەن 250 بالا قاتىستى. وسىلايشا, ءتورت كۇندە ءبىر مىڭ بالا قامتىلدى.
وسىعان وراي مەيرامحانا زالى ارنايى بەزەندىرىلدى. اياز اتا مەن اقشا قار, انيماتورلار مەن ەرتەگى كەيپىنە ەنگەندەر قاباعىنا كىربىڭ ۇيالاعان بالالاردىڭ جانىن جادىراتتى. مەرەكەلىك داستارقانعا بالالار ۇناتاتىن تاعامدار قويىلىپ, سىيلىقتار تابىس ەتىلدى.
بۇل مەرەكەگە بالاسىن اكەلگەن اتا-انانىڭ ءبىرى – بيبىگۇل جۇماعاليەۆا. ونىڭ ون ءبىر جاستاعى ۇلى سارتاي وسىنداي ءىس-شاراعا قاتىسقاندى ۇناتادى.
ء«ار اتا-انا بالاسىنىڭ قۋانعانىن, جادىراپ جۇرگەنىن قالايدى. بالامدى ءتۇرلى ءىس-شارادان قالدىرماۋعا تىرىسامىن. ويتكەنى ەرەكشە بالالار دا وزگەلەرمەن ارالاسقىسى, ويناعىسى كەلەدى», دەيدى ب.جۇماعاليەۆا.
اتىراۋ وبلىسى