قوعام اراسىندا قىزۋ تالقىلانىپ جاتقان پرەزيدەنتتىك سايلاۋدى مەرزىمىنەن بۇرىن وتكىزۋ تۋرالى ۇسىنىستى جىلى قابىلداپ, مول ىقىلاسپەن قولداپ وتىرعان ونەر قايراتكەرلەرى باق وكىلدەرىنە ءوز مالىمدەمەسىن جاريا ەتتى. ەلىمىزدىڭ بىرقاتار ونەر ادامدارى ەركىن قاسەنوۆ, قۋاندىق قىستىقباەۆ, عاني قۇلجانوۆ, سۆەتلانا فورتۋنا قاتىسقان باسقوسۋدا توراعالىق ەتكەن تۇڭعىشباي جامانقۇلوۆ رەفەرەندۋم اياسىندا ءبىرشاما اقپاراتتارمەن ءبولىستى.
«قازاقستان رەسپۋبليكاسى تەاتر قايراتكەرلەرى وداعىنىڭ ۇجىمى پرەزيدەنتتىك سايلاۋدى مەرزىمىنەن بۇرىن وتكىزۋ تۋرالى باستامانى قولدايتىنىن بىلدىرەدى», دەي كەلە, وداق توراعاسى تۇڭعىشباي جامانقۇلوۆ بۇگىندە ءتىل, رۋحانيات, ءداستۇر, ۇلتتىق قۇندىلىقتار سياقتى بابالاردان ميراس بولعان مۇرالاردى دامىتۋعا باعىت-باعدار بەلگىلەنگەنىن اتاپ كورسەتتى. ال وسىنىڭ اياسىندا اسىل مۇراتقا بارار جولدا «ماڭگىلىك ەل» ۇلتتىق يدەياسى بوي كوتەردى, ول – قازاقستان حالقىن ءوزىنىڭ باي مادەني مۇراسىمەن جانە شىعارماشىلىق الەۋەتىمەن الەمنىڭ ەڭ دامىعان 30 ەلىنىڭ قاتارىنا كىرۋ ماقساتىنا قول جەتكىزۋگە ۇندەيدى, دەگەن وداق توراعاسى بۇل رەتتە «مادەني مۇرا» مەملەكەتتىك باعدارلاماسى ءوز جەمىسىن بەرگەندىگىن ايتىپ ءوتتى. سونداي-اق, ت.جامانقۇلوۆ وسى تۇرعىدا وداق قاي كەزدە دە ەلىمىزدە ساحنالىق ونەرگە قاتىستى سالالاردىڭ دامۋىنا اتسالىسىپ كەلەدى. قازىرگى تاڭدا ونەر سالاسى ۇلكەن دارەجەدە دامىپ وتىر. ساحنا ونەرىنىڭ دامۋىنا, جالپى مادەنيەت سالاسىنىڭ وركەندەۋىنە مەملەكەت تاراپىنان ۇدايى قولداۋ كورسەتىلۋدە, دەدى.
سونىمەن قاتار, الەمدە جاھاندىق قارجى-ەكونوميكالىق تۇراقسىزدىق ورىن العان جاعدايدا ەلدىڭ تۇتاستىعى باستى قاعيدالاردىڭ ءبىرى, دەي كەلە, وسى داعدارىستان سۇرىنبەي ءوتۋ – ءبارىمىزدىڭ ورتاق مىندەتىمىز ەكەندىگىن ناقتىلادى ول. وسىنىڭ اياسىندا مۇنداي كۇردەلى كەزەڭدەردە مەرزىمىنەن بۇرىن پرەزيدەنتتىك سايلاۋ وتكىزۋ باستاماسى ۋاقىت تالابى دەپ ۇعامىز, دەگەن ونەر قايراتكەرى ءوز ءسوزىن بۇل – ەرتەڭىن ويلاعان ەلدىڭ بايىپتى قادامى دەپ بىلەمىز, دەپ تۇيىندەدى.
ەلميرا ماتىباەۆا,
«ەگەمەن قازاقستان».
استانا.