ايەلدەرگە ەم-دوم كورسەتەتىن ورتالىق

جاڭا ورتالىقتا پلاس­تيكالىق, رە­كونسترۋكتيۆتى گينەكولوگيا, جامباس ءتۇبى جانە اعزانى ساقتاۋعا ارنالعان وپەراتسيالار جاسالادى. سونداي-اق ۋروگينەكولوگيا, ءىش قۋىس حي­رۋرگياسى مەن بەدەۋلىكتىڭ الدىن الۋعا ارنالعان ەم-شارا جۇرگىزىلەدى. وڭىردە تۇڭعىش رەت ميوما مەن ەندومەتريوز كەزىندە راديوجيىلىك ابلياتسياسى قولدانىلا باستادى.

– «Uniserv medical center» كلينيكاسى ورال قالاسىندا 2019 جىلى اشىلدى. كلينيكا ۇلتتىق اككرەديتتەۋدەن ءساتتى ءوتىپ, مەديتسينالىق ورتالىققا جوعارى سانات بەرىلدى. بۇل سا­نات ەلىمىزدە ءبىردى-ەكىلى مەدورتالىقتا عانا بار. مۇندا 3000-نان استام مەديتسينالىق قىزمەت كورسەتىلەدى. تۇرعىندار ءمامس اياسىندا دا ەم-دوم الادى. ورتالىققا كەلگەن ادام ءبىر جەردەن بارلىق دارىگەرگە قارالا الادى. جالپى, رەكونسترۋكتيۆتى گينەكولوگيا ورتالىعىن اشۋ – جوعارى ساناتتى اكۋشەر-گينەكولوگ دارىگەر ەرلان مۇقا­نوۆتىڭ يدەياسى. بۇگىن مىنە, وڭىردەگى قىز-كەلىنشەكتەردىڭ دەنساۋلىعىنا قىزمەت ەتەتىن ءزاۋلىم ورتالىققا قول جەتكىزدىك, – دەدى «Uniserv» كومپانيالار توبى باقىلاۋ كەڭەسىنىڭ توراعاسى, ءىى دارەجەلى «بارىس» وردەنىنىڭ يەگەرى نۇرعازى ساتباەۆ.

كلينيكا شۆەيتساريالىق جابدىقتارمەن, حالىقارالىق ستاندارتتارعا ساي ەۋروپالىق قۇرالدارمەن قامتاماسىز ەتىل­گەن. 15 ورىندىق ستاتسيونار, وپەراتسيالىق بلوك, جان ساقتاۋ بولمەسى بار. گينەكولوگيا بولىم­شەسىنىڭ مەڭگەرۋشىسى, مەديتسينا عىلىمدارىنىڭ كانديداتى, اكۋشەر-گينەكولوگ, ەندوحيرۋرگ ەرلان مۇقانوۆتىڭ اي­تۋىنشا, راديوجيىلىكتىك ابلياتسيا ميومانى, ەندومەتريوزدى ەمدەۋدىڭ زاماناۋي ءادىسى. ول ۋلترادىبىستىق باقىلاۋمەن تەرىنى ينەمەن تەسۋ ارقىلى جا­سالادى. وپەراتسياعا 20-30 مينۋت, ءارى كەتكەندە ءبىر ساعات ۋاقىت كەتەدى, تىلىكسىز جاسالادى, جاتىردى الىپ تاستامايدى. وڭالتۋ مەرزىمى دە قىسقا, ناۋقاس ەرتەڭىنە ۇيىنە ورالا الادى. ايەلدىڭ رەپرودۋكتيۆتى فۋنكتسيا­سى ساقتالادى.

– قازىردىڭ وزىندە 16 ناۋقاسقا وپەراتسيا جاسالدى. جاتىر اۋرۋ­لارىن مۇنداي جولمەن ەمدەۋ بولاشاقتا انا بولعىسى كەلەتىن قىز-كەلىنشەكتەرگە قاۋىپسىز. بۇگىندە 15-18 جاستاعى قىزداردا دا بۇل دەرت كەزدەسەتىنىن ەسكەرسەك, ورتالىق قىزمەتىنىڭ بارىنشا وزەكتى ەكەنىن كورەمىز, – دەيدى ەرلان تىلەگەن ۇلى.

باتىس قازاقستان وبلىسى