«World of Card Games» جۋرنالىنىڭ جاڭا زەرتتەۋى حالىقتىڭ ورتاشا IQ كورسەتكىشىن جانە نوبەل سىيلىعىنا ۇمىتكەرلەر سانىن ەسەپتەي وتىرىپ, الەمدەگى ەڭ اقىلدى ەلدەردىڭ رەيتينگىن جاسادى. ناتيجەسىندە, كوش باسىنا شۆەيتساريا شىقتى.
ءالپى ەلى 100 بالدىڭ 92,02-ءسىن جيناعان. زەرتتەۋدە شۆەيتساريادا نوبەل سىيلىعىنا 1099 ۇمىتكەر بار ەكەنى, ال حالىقتىڭ ورتاشا IQ كورسەتكىشى 99,24 ەكەنى كورسەتىلگەن. تاعى ءبىر قىزىق دەرەك, ەرەسەكتەردىڭ 40,02%-ى كەم دەگەندە باكالاۆر دارەجەسىنە يە (رەيتينگتەگى ەڭ جوعارى كورسەتكىش), ال حالىقتىڭ 18,05%-ى ماگيستر نەمەسە ودان جوعارى دەڭگەيدە ءبىلىم العان.