ەلىمىزدە مۇعالىمدەرگە اكىمشىلىك جۇكتەمەنى ازايتۋ ءۇشىن وقۋ پروتسەسىنە جاساندى ينتەللەكت قۇرالدارىن جۇيەلى ەنگىزۋ باستالدى. بۇل تۋرالى ۇكىمەتتىڭ قورىتىندى ءباسپاسوز كونفەرەنتسياسى اياسىندا وقۋ-اعارتۋ ۆيتسە-ءمينيسترى اسىلبەك احمەتجانوۆ مالىمدەدى, دەپ جازادى Egemen.kz.
ول مەملەكەت باسشىسىنىڭ تاپسىرماسى بويىنشا جي-ءدى ەكونوميكا مەن الەۋمەتتىك سالاعا ينتەگراتسيالاۋ بويىنشا 240 مىڭنان استام پەداگوگ پرومپت-ينجينيرينگ داعدىلارى نەگىزىندە ءبىلىم العانىن اتاپ ءوتتى.
«جاساندى ينتەللەكت ۇستازدى الماستىرۋشى ەمەس, ونىڭ كومەكشىسى. ءبىزدىڭ مىندەتىمىز – پەداگوگتەرگە كۇندەلىكتى جۇكتەمەنى ازايتۋ ءۇشىن جي-ءدى ەنگىزۋ», دەدى اسىلبەك احمەتجانوۆ. «كەلەشەك مەكتەپتەرى» جوباسى نەگىزىندە جي-رەپەتيتور, جي-ەمتيحان الۋشى جوبالارى سىناقتان وتكىزىلىپ جاتىر. وسى شەشىمدەردى قاۋىپسىز تۇردە قولدانۋ دەڭگەيىن ارتتىرۋ ءۇشىن سالالىق مينيسترلىك «QazTech» مەملەكەتتىك پلاتفورماسىندا بارلىق ءبىلىم بەرۋ دەرەگىن ورنالاستىرىپ جاتىر.