قازاقستاننىڭ ءبىرىنشى راكەتكاسى ەلەنا رىباكينا (WTA №5) قىتايدىڭ شەنچجەن قالاسىندا ءوتىپ جاتقان World Tennis Continental Cup كورمە تۋرنيرىندە شۆەيتساريالىق بەليندا بەنچيچتى (№11) جەڭدى, دەپ جازادى Egemen.kz.
كەزدەسۋ رىباكينانىڭ پايداسىنا 6:3, 6:4 ەسەبىمەن اياقتالدى. بۇل ماتچ ونىڭ بيىلعى ماۋسىمداعى جەكەلەي سىنداعى سوڭعى ويىنى بولدى.
بۇعان دەيىن تۋرنير بارىسىندا رىباكينا پولشالىق تەننيسشى يگا شۆيونتەككە (WTA №2) جول بەرگەن ەدى.
شەنچجەندە ەلەنا ارالاس جۇپتار سايىسىنا دا قاتىسادى. ول رەسەيلىك تەننيسشى اندرەي رۋبليوۆپەن بىرگە ۆالانتەن ۆاشرو (موناكو) مەن يگا شۆيونتەك (پولشا) جۇبىنا قارسى وينايدى.
2025 جىل ەلەنا رىباكينا ءۇشىن مانسابىنداعى ەڭ تابىستى ماۋسىمداردىڭ ءبىرى بولدى. ول ستراسبۋرگ پەن نينبودا وتكەن ەكى WTA 500 ءتۋرنيرىنىڭ چەمپيونى اتاندى. سونىمەن قاتار, ەر-ريادتا وتكەن WTA قورىتىندى تۋرنيرىندە العاش رەت توپ جارىپ, فينالدا الەمدىك رەيتينگ كوشباسشىسى ارينا سوبولەنكونى (بەلارۋس) جەڭدى.