حەلەن كەللەردىڭ تاعدىرى ادام رۋحىنىڭ قانشالىقتى مىقتى ەكەنىن تاعى ءبىر دالەلدەي تۇسەدى. وجەت جازۋشى ءبىر جارىم جاسىندا اۋىر دەرتكە شالدىعىپ, كورۋ جانە ەستۋ قابىلەتىنەن ايىرىلعان. الايدا ول وسىنىڭ بارىنە ەش مويىنسىنعان جوق.
انىعىراق ايتساق, ونى مويىنسىعىزبا-عان ۇستازدارى. ءبىر ادامنىڭ تاعدىرى ءبىر ادامعا بايلانىستى بولاتىنى دا عاجاپ. سول كەزەڭدە مەديتسينا دا, قوعام دا مۇنداي بالادان ۇلكەن ءۇمىت كۇتپەيتىن. بىراق العاشقى ۇستازى ەنن سالليۆان وعان ارىپتەردى الاقانىنا جازىپ, ءتىل ۇيرەتەدى. ال سارا فۋللەر سويلەۋدى ۇيرەتەدى. كەيىن ول بىرنەشە ءتىلدى مەڭگەرىپ, جوعارى ءبىلىم الدى, كىتاپتار جازدى, دارىستەر وقىدى. حەلەن كەللەر مۇگەدەكتەردىڭ قۇقىقتارىن قورعاۋ جولىندا كۇرەستى, ايەل تەڭدىگى, الەۋمەتتىك ادىلەتتىلىك, بەيبىتشىلىك ماسەلەلەرىنە دە ءۇن قوستى.