«كاسپي تەڭىزى – 2015» العاشقى حالىقارالىق بايقاۋى مارەگە جەتتى. «سارىارقا» قازاقستاندىق زىمىران-ارتيللەريالىق كورابلىنىڭ ەكيپاجى سايىستا ەكىنشى ورىن الدى. ءبىرىنشى ورىندى «گراد سۆياجسك» شاعىن ارتيللەريالىق كورابلىندەگى رەسەي اۋە-تەڭىز كۇشتەرى اسكەري تەڭىزشىلەرى يەلەنسە, ءۇشىنشى ورىن ازەربايجان اسكەري-تەڭىز كۇشتەرى «G-124» سۋ ءۇستى كورابلىنىڭ ەكيپاجىنا بۇيىردى, دەپ حابارلادى قورعانىس مينيسترلىگىنىڭ ءباسپاسوز قىزمەتى.
جەرەبەگە سايكەس ءبىزدىڭ كوماندامىزعا بايقاۋدىڭ ءاربىر سىناعىن باستاۋ كۇردەلى تاپسىرماسى ءتيدى. الايدا, ءبىرىنشى بولىپ ونەر كورسەتىپ, تەڭىزشىلەرىمىز قالعان كوماندالارعا جاقسى دەڭگەي جانە قارقىن بەردى, سونداي-اق, سايىس بويى كوشباسشىلىق پوزيتسيالاردىڭ ءبىرىن ۇستاپ تۇردى. ولار كورابلدى باسقارۋ, حالىقارالىق جۇيەگە سايكەس جارىق بەرۋ بەلگىلەرىن قابىلداۋ جانە تاراتۋ, اۋە, تەڭىز جانە سۋ ءۇستى نىسانالارى بويىنشا وق اتۋ, اپاتقا ۇشىراعان كورابلدى جانە بورتتىڭ ار جاعىندا قالىپ قويعان جولاۋشىلاردى قۇتقارۋدا شەبەرلىكتەرىن كورسەتتى.
قازاقستان اسكەري-تەڭىز كۇشتەرىنىڭ تەڭىزشىلەرى ولاردىڭ العاشقى تاجىريبەسى – حالىقارالىق سايىستا ءساتتى ونەر كورسەتىپ, وزدەرىنىڭ جاۋىنگەرلىك ازىرلىگىن راستادى. 13 تامىزدا «كاسپي تەڭىزى – 2015» بايقاۋىنىڭ جەڭىمپازدارىن ماراپاتتاۋ سالتاناتتى ءراسىمى وتەدى. ال ودان كەيىن كورابلدەرىمىز تەڭىزگە شىعىپ, قازاقستاندىق جاعالاۋعا بەت الاتىن بولادى.
«ەگەمەن-اقپارات».