بۇگىننەن باستاپ «ساق ءستيلى» ديزاينىمەن جاڭا 500 تەڭگەلىك بانكنوتتار اينالىمعا شىعارىلدى. ۇلتتىق بانك مالىمەتىنشە, بانكنوتتا كوشپەندىلەر مادەنيەتىنەن بۇگىنگى قازاقستاننىڭ بىرەگەي مۇراسىن قامتيتىن ءداستۇرلى ويۋ-ورنەكتىڭ ءتۇپ تامىرى سانالاتىن «ساق ءستيلى» ەلەمەنتتەرى بەدەرلەنگەن, دەپ جازادى Egemen.kz.
جاڭا 500 تەڭگەلىك بانكنوت 2026 جىلدىڭ ەكىنشى توقسانىندا شىعا باستايدى. وعان دەيىن ۇلتتىق بانك اقشانى ەلىمىزدىڭ بارلىق وڭىرىنە جەتكىزىپ, بانكومات, تەرمينال جانە باسقا كاسسالىق تەحنيكالاردى بەيىمدەيدى.
ال قازىرگى اينالىمداعى 500 تەڭگەلىك اقشا جاڭاسىمەن ەكى جىل بويى اۋىستىرىلادى. ياعني, ەسكى ۇلگىدەگى بارلىق بانكنوت ەكى جىل ىشىندە اينالىمنان بىرتىندەپ الىنادى. وسى كەزەڭدە حالىقتىڭ ەكىنشى دەڭگەيدەگى بانكتەرگە نەمەسە قازاقستان ۇلتتىق بانكى فيليالدارىنا بارىپ, ەسكى ۇلگىدەگى بانكنوتتاردى جاڭا بانكنوتتارعا ايىرباستاۋىنا ەشقانداي قاجەتتىلىك جوق.
سونداي-اق وسى ۋاقىت ارالىعىندا ەكى ۇلگىدەگى اقشانى دا قاتار قولدانۋعا بولادى. قوس بانكنوت تا زاڭدى تولەم قۇرالى بولىپ ەسەپتەلەدى.
ايتا كەتەيىك, اتالعان 500 تەڭگەلىك اقشا «ساق ءستيلى» سەرياسىمەن شىققان بەسىنشى بانكنوت بولىپ وتىر.