استانا. 23 اقپان. ەگيپەت اراب مەملەكەتتەرىنىڭ ورتاق اسكەري-سوعىس وداعىن قۇرعىسى كەلەدى. كورول ابدەل فاتتاح اس-سيسي بۇگىن تەلەارنادان ۇلتقا ارناپ سويلەگەن سوزىندە وسىنى ايتتى. بۇل تۋرالى تاسس حابارلادى.
كاير مۇنى سىرتتان تونەتىن قاۋىپ-قاتەردەن قورعانۋ ءۇشىن كەرەك دەپ ءتۇسىندىرىپ وتىر. «قازىر سىرتتان ءتونىپ وتىرعان قاۋىپ پەن قاتەرگە قارسى تۇرا الاتىن اراب ەلدەرىنىڭ ءوز قارۋلى كۇشتەرى بولۋى كەرەك», - دەپ جەتكىزدى ول.
مەملەكەت باسشىسى سونداي-اق ەگيپەتتىڭ ليۆيانى سوققى الۋ سەبەبىن دە ايتىپ بەردى. ونىڭ ايتۋىنشا, بۇل ءوز ەلىنىڭ ازاماتتارىن قىرعىنعا سالعانعا جاۋاپ بولدى. ەگيپەت سول سەبەپتى كورشى مەملەكەتتىڭ تەرريتورياسىنداعى نىسانالارعا 13 سوققى بەردى.
ەسكە سالا كەتەيىك, «يسلام مەملەكەتىنىڭ» سودىرلارى 15 اقپان كۇنى ليۆيادا جۇمىس جاساپ جۇرگەن ەگيپەتتىك 21 حريستياندى اياۋسىز ولتىرگەن ەدى. بۇعان جاۋاپ رەتىندە مىسىر اۋە كۇشتەرى ليۆيانىڭ شىعىس بولىگىندە تۇراتىن ەكسترەميستەردىڭ ۇيالارىن وقتىڭ استىنا العان بولاتىن.
مۇرات ايتقوجا.