كونديتەرلىك ونىمدەر اي سايىن قىمباتتاپ جاتىر. جىلدىق ەسەپتە باعا ءوسىمى شامامەن 19 پايىزعا جەتكەن, دەپ جازادى Egemen.kz.
ەڭ جوعارى ءوسىم سولتۇستىك وڭىرلەر مەن ءىرى قالالاردا بايقالادى. وڭتۇستىك وبلىستاردا باعا باياۋ كوتەرىلگەنىمەن, ول جاقتا دا ءوسىم 10 پايىزدان تومەن تۇسپەگەن.
ءونىم تۇرلەرى ىشىندە ەڭ قاتتى قىمباتتاعانى – شوكولاد. ونىڭ باعاسى ءبىر جىلدا 30 پايىزدان استام وسكەن. كامپيتتەر مەن زەفير سياقتى وزگە تاتتىلەر دە ايتارلىقتاي قىمباتتاعان. كارامەل مەن مارمەلادتاعى ءوسىم سالىستىرمالى تۇردە تومەن.
باعا وسىمىمەن قاتار, ەلدە ءتاتتى ونىمدەر ءوندىرىسى قىسقارىپ وتىر. بيىلعى جىلدىڭ 11 ايىندا ءوندىرىس كولەمى وتكەن جىلمەن سالىستىرعاندا ازايعان. بۇل نارىقتاعى ۇسىنىستىڭ تومەندەۋىنە جانە باعانىڭ جوعارىلاۋىنا ىقپال ەتىپ وتىر.