ەلباسى الماتى قالاسىنا جۇمىس ساپارى بارىسىندا «قازاقفيلم» كينوستۋدياسىندا بولدى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى كينوستۋديا قىزمەتىمەن, ونىڭ جاڭا جوبالارىمەن جانە كينو ءوندىرىسى ۇدەرىسىمەن تانىستى. نۇرسۇلتان نازارباەۆ, سونداي-اق, «قازاق ەلى» سەريالىنىڭ ءتۇسىرىلىم الاڭىن كورىپ, شىعارماشىلىق توپپەن اڭگىمەلەستى.
مەملەكەت باسشىسى بۇدان كەيىن تاۋەلسىز قازاقستان مەملەكەتىنىڭ قۇرىلۋى تۋرالى باياندايتىن, جۇمىس بارىسىنداعى باستاپقى اتاۋى «جۇلدىزدار وسىلاي تۋادى» دەپ اتالاتىن فيلم ءتۇسىرىلىمى ءجۇرىپ جاتقان الاڭدا بولدى.
«قازاقفيلم» – رەسپۋبليكامىزدىڭ جاڭعىرتۋدان كەيىن ساپالى كينو ونىمدەرىن شىعارۋ مۇمكىندىكتەرى ارتا تۇسكەن باستى كينو ءوندىرىسى ورنى.
سۋرەتتى تۇسىرگەندەر
س.بوندارەنكو, ب.وتارباەۆ.