پەتروپاۆل. 23 اقپان. وبلىس ورتالىعىندا ماسلەنيتسا جانە قىستى شىعارىپ سالۋ مەرەكەسى قالىڭ جۇرتشىلىقتىڭ قاتىسۋىمەن كەڭ كولەمدە اتاپ ءوتىلدى. بۇل تۋرالى وبلىستىق مادەنيەت باسقارماسىنىڭ ءباسپاسوز قىزمەتى حابارلادى.
بۇل كۇنى ورتالىق الاڭ ناعىز حالىقتىق توي-دۋمانعا اينالىپ, ءتۇرلى ەتنوس-مادەني بىرلەستىكتەردىڭ ۇلتتىق تاعامدارى ۇسىنىلىپ, سالت-داستۇرلەرى كورسەتىلدى. ءار تىلدە اندەر شىرقالىپ, بيلەر بيلەنىپ, ەسكىدەن كەلە جاتقان ادەت-عۇرىپتار مەن ءدىني ىرىمدار تاماشالاندى. ءبىر جەردە ءسۇت پەن بال قوسىلعان قويۋ شاي, دامدىلىگى ءتىل ۇيىرەتىن ىستىق كۇلشە, سامسا, باۋىرساق, بۋى بۇرقىراعان پالاۋ ۇسىنىلىپ, ساۋدا-ساتتىق قىزىپ جاتسا, ەندى ءبىر جەردە سپورتتىق ويىندارعا جالعاسىپ جاتتى.
«ماسلەنيتسا» ەرتەدەن تويلانىپ كەلە جاتقان ءدىني مەيرامداردىڭ ءبىرى بولعانىمەن, جىل وتكەن سايىن قاتىسۋشىلار قاتارى ارتىپ كەلەدى. قىستى شىعارىپ سالۋ مەرەكەسىمەن تۇسپا-تۇس كەلەتىندىكتەن, بىرگە اتاپ ءوتۋ ءداستۇرى قالىپتاسقان.
– الدا شىعىس مەيرامى-ناۋرىز كەلە جاتىر. ەندى ۇلىستىڭ ۇلى كۇنىن دە جوعارى دەڭگەيدە اتاپ وتۋگە بەلسەنە قاتىساتىن بولامىز. كەز كەلگەن مەرەكە حالىقتار دوستىعى, بىرلىگى رەتىندە اتالىپ ءجۇر, – دەيدى «ورىس قاۋىمداستىعى» جەرگىلىكتى ۇيىمىنىڭ توراعاسى نيكولاي اۆدەەۆ.
«ماسلەنيتسانىڭ» باستى اتتيبۋتتارى – -كوپشىلىككە قۇيماق تاراتىلىپ, ساباننان جاسالعان ت ۇلىپ/ چۋچەلا/ ورتەلدى.
ءومىر ەسقالي.
دەرەك: سولتۇستىك قازاقستان وبلىستىق مادەنيەت باسقارماسىنىڭ ءباسپاسوز قىزمەتى.
سۋرەت: kostnews.kz.