قىزىلوردا وبلىسىنىڭ پروكۋراتۋراسى سوت اكتىلەرىنە ۇنەمى زەردەلەۋ جۇرگىزىپ وتىر. وسىنىڭ ارقاسىندا بيىل اكىمشىلىك قۇقىق بۇزۋشىلىق تۋرالى ىستەر بويىنشا 38 اپەللياتسيالىق ءوتىنىش حات قاناعاتتاندىرىلعان, دەپ جازادى Egemen.kz.
سوت اكتىلەرىن زەردەلەۋ بارىسىندا بىرقاتار كاسىپكەرلەردىڭ اكىمشىلىك جاۋاپتىلىققا تارتىلعانى انىقتالدى. بىراق ولارعا قاتىستى تەكسەرىستەر قىزىلوردا وبلىسى بويىنشا قۇقىقتىق ستاتيستيكا جانە ارنايى ەسەپ سالاسىنداعى ۋاكىلەتتى ورگانعا تىركەلمەي جۇرگىزىلىپ كەلگەن. ياعني, كاسىپكەرلىك سۋبەكتىلەرىن تەكسەرۋدە زاڭناما تالاپتارى ساقتالماعان.
اپەللياتسيالىق ءوتىنىش حاتتاردى قاراۋ ناتيجەسىندە سوت اكتىلەرىنىڭ كۇشى جويىلىپ, زاڭسىز جاۋاپكەرشىلىككە تارتىلعان 7 كاسىپكەردىڭ قۇقىعى قورعالدى. زاڭناما تالاپتارىنىڭ ساقتالۋى وبلىستىق پروكۋراتۋرانىڭ ەرەكشە باقىلاۋىندا.