پرەمەر-مينيستر ولجاس بەكتەنوۆ ۇكىمەت وتىرىسىندا شاعىن جانە ورتا بيزنەستى قولداۋدىڭ جاڭا تەتىكتەرىن ازىرلەۋدى تاپسىردى. اسىرەسە جالپىعا بىردەي بەلگىلەنگەن سالىق سالۋ رەجيمىندە جۇمىس ىستەيتىن كاسىپكەرلەرگە نازار اۋدارىلدى, دەپ جازادى Egemen.kz.
ۇكىمەت باسشىسىنىڭ ايتۋىنشا, مۇنداي بيزنەستى قولداۋدىڭ ءتيىمدى جولدارىنىڭ ءبىرى – «ورلەۋ» باعدارلاماسى ارقىلى قارجىلاندىرۋ شارتتارىن كەڭەيتۋ. ياعني, كاسىپكەرلەرگە نەسيە مەن باسقا دا قولداۋ تۇرلەرىن الۋ جەڭىلدەيدى.
وسى تاپسىرماعا سايكەس ۇلتتىق ەكونوميكا مينيسترلىگى باسقا مەملەكەتتىك ورگاندارمەن بىرگە ناقتى ۇسىنىستار دايىندايدى. باستى ماقسات – ادال سالىق تولەپ وتىرعان كاسىپكەرلەرگە قولداۋ كورسەتىپ, ولاردىڭ جۇمىسىن دامىتۋعا مۇمكىندىك بەرۋ.
ايتا كەتەيىك, سالىق تولەۋشى «تسيفرلىق بيۋدجەت» ارقىلى ءوز اۋدارىمىن كورە الادى. 2026 جىلدان باستاپ قازاقستاندا سالىق بورىشى ءۇشىن شوتتاردى بۇعاتتاۋ ەرەجەلەرى وزگەرەدى.